میں ایک رات گرفتار تھا حرارت میں
ہر ایک پل تھا اضافہ مرض کی شدت میں
Main aik raat giraftar tha hararat mein
Har aik pal tha izafa marz ki shiddat mein
تبھی خیال یہ آیا کہ مر رہا ہوں میں
تو کیوں مروں نہ میں فکرِ سخن کی حالت میں
Tabhi khayal ye aaya ke mar raha hoon main
To kyun maroon na main fikr-i-sukhan ki halat mein
یہ سوچتے ہی قلم میں نے ہاتھ میں پکڑا
اور اٹھ کے بیٹھ گیا بسترِ علالت میں
Ye sochte hi qalam maine haath mein pakra
Aur uth ke baith gaya bistar-i-illat mein
قلم کو میرے زباں مل گئی بحکمِ خدا
وہ مجھ سے گویا ہوا احسنِ فصاحت میں
Qalam ko mere zabaan mil gai b hukum-i-Khuda
Wo mujh se goya hua Ahsan-i-fasahat mein
کہا قلم نے یہ مجھ سے ارے او نظمی سن
ہوں آدھوں آدھ کا حق دار تیری شہرت میں
Kaha qalam ne ye mujh se arey o Nazmi sun
Hoon aadhoon aadh ka haq daar teri shohrat mein
تو سوچتا تھا میں لکھتا تھا نعتیں آقا کی
دماغ تیرا تھا میری زباں تھی حرکت میں
To sochta tha main likhta tha naatein aaqa ki
Dimaag tera tha meri zabaan thi harkat mein
میں بولا اے مرے محسن مرے قلم سچ ہے
کلیدی ہے ترا کردار میری شہرت میں
Main bola ae mere mohsin mere qalam sach hai
Kaleedi hai tera kirdar meri shohrat mein
مگر تو بھول گیا اپنے زعم میں اک بات
کہ تجھ کو کون چلاتا تھا نعت کی گت میں
Magar tu bhool gaya apne za'am mein ek baat
Ke tujh ko kaun chalata tha naat ki got mein
قلم تو تُو ہی ہے رشدی کے پاس بھی لیکن
تو کیسے ساتھ نبھاتا ہے اُس خباثت میں
Qalam to tu hi hai Rushdi ke paas bhi lekin
To kaise saath nibhata hai us khabasat mein
قلم تُو نظمی کا ہے کیسے بھول جاتا ہے
تو جب چلے گا تو میری ہی بادشاہت میں
Qalam tu Nazmi ka hai kaise bhool jata hai
To jab chale ga to meri hi badshahat mein
تُو میرے ہاتھ سے آگے تو جا نہیں سکتا
کہ میری انگلیاں حاوی ہیں تجھ پہ سبقت میں
Tu mere haath se aage to ja nahi sakta
Ke meri ungliyan haavi hain tujh pe sabqat mein
تو میری مرضی بنا کچھ بھی لکھ نہیں سکتا
اور ہے رضا میری نعتِ شہِ رسالت میں
To meri marzi bana kuch bhi likh nahi sakta
Aur hai raza meri naat-i-Shah i-risalat mein
ہے میرا ہاتھ مرے دل کے قبضے میں پورا
ہے میرا دل شہِ جنّ و بشر کی خدمت میں
Hai mera haath mere dil ke qabze mein poora
Hai mera dil Shah i-Jn-o-Bashar ki khidmat mein
یہ دل ہے نظمی کا رشدی لعین کا تو نہیں
تجھے تو چلنا سدا حق کی ہی حمایت میں
Ye dil hai Nazmi ka Rushdi laeen ka to nahi
Tujhe to chalna sada haq ki hi himayat mein
قلم قلم ہی رہے گا مگر یہ بھی حق ہے
چلے گا راج دھنی کا ہر ایک حرکت میں
Qalam qalam hi rahe ga magar ye bhi haq hai
Chale ga raaj dhani ka har aik harkat mein
قلم نے خندہ لبی سے کہا یہ پھر مجھ سے
یہ سچ ہے تو ہے دھنی میرا رب کی خلقت میں
Qalam ne khanda labi se kaha ye phir mujh se
Ye sach hai tu hai dhani mera Rab ki khalqat mein
ترے چلائے سے چلتا ہوں میں اور آئندہ
ترے چلائے سے چلتا رہوں گا مدحت میں
Tere chalaye se chalta hoon main aur aindah
Tere chalaye se chalta rahoon ga mad'hat mein
قلم بنوں کبھی رشدی کا میں خدا نہ کرے
ہو زندگی مری پوری نبی کی خدمت میں
Qalam banoon kabhi Rushdi ka main Khuda na kare
Ho zindagi meri poori nabi ki khidmat mein
To naatein soch main likhon likhe hi jaoon main
Na teri soch ruke, main rukoon na harkat mein
تو نعتیں سوچ میں لکھوں لکھے ہی جاؤں میں
نہ تیری سوچ رکے، میں رکوں نہ حرکت میں
To aaj tak mujhe likhne ka hukam deta tha
Ye mera hukam hai likh ab meri hidayat mein
تو آج تک مجھے لکھنے کا حکم دیتا تھا
یہ میرا حکم ہے لکھ اب مری ہدایت میں
Koi ada kare kaise nabi ki naat ka haqq
Masla-e-shama zabaan sirf ho go madhat mein
کوئی ادا کرے کیسے نبی کی نعت کا حق
مثالِ شمع زباں صرف ہو گو مدحت میں
Khuda ke bande hain par do jahan ke aaqa hain
Wohi hain Ahmad-e-Mukhtar Rab ki hikmat mein
خدا کے بندے ہیں پر دو جہاں کے آقا ہیں
وہی ہیں احمدِ مختار رب کی حکمت میں
Inhi ko zeba hai sartaaj, raaj aur me'raj
Inhi ke qadmon ki barkat jahan i-rangat mein
انہیں کو زیبا ہے سرتاج، راج اور معراج
انہیں کے قدموں کی برکت جہانِ رنگت میں
Ibadaton ke ilawa bahot se naik aamal
Khuda ne bakhshae inhe ek shab ki dawat mein
عبادتوں کے علاوہ بہت سے نیک اعمال
خدا نے بخشے انہیں ایک شب کی دعوت میں
Inhi ki zaat hai sarchashma-e-hayat jahan
Hain tajdaron ke sarkhum inhi ki khidmat mein
انہیں کی ذات ہے سرچشمہء حیات جہاں
ہیں تاجداروں کے سرخم انہیں کی خدمت میں
Ramooz i zaat e Muhammad nihan kiye Rab ne
Ayaan wo khalq pe hoon arsa-e-qayamat mein
رموزِ ذاتِ محمد نہاں کیے رب نے
عیاں وہ خلق پہ ہوں عرصہء قیامت میں
Ye baat tay hai ke in ke siwa Shafi nahin
Fareed hon ge wo us rutba-e-shafaat mein
یہ بات طے ہے کہ ان کے سوا شفیع نہیں
فرید ہوں گے وہ اس رتبہء شفاعت میں
Inhi pe bab-i-Aram sab se pehle wa ho ga
Inhi ke ummati jayen ge pehle jannat mein
انہیں پہ بابِ ارم سب سے پہلے وا ہوگا
انہیں کے امتی جائیں گے پہلے جنت میں
Nazar na aaqa ke rukh se hategi bhoole se
Rahen ge hum to barde mast mast jannat mein
نظر نہ آقا کے رخ سے ہٹے گی بھولے سے
رہیں گے ہم تو بڑے مست مست جنت میں
Bas aik baat mein aakhir mein keh doon ae Nazmi
Bada maza aaya mujh ko tumhari hujjat mein
بس ایک بات میں آخر میں کہہ دوں اے نظمی
بڑا مزہ آیا مجھ کو تمہاری حجت میں
Main aadhoon aadh ka haq daar kaise ho jata
Agar chalate na tum deen ki himayat mein
میں آدھوں آدھ کا حق دار کیسے ہو جاتا
اگر چلاتے نہ تم دین کی حمایت میں
Main is qalam se bhi be zaar hoon yaqeen jano
Phansa hua hai jo Rushdi laeen ki laanat mein
میں اس قلم سے بھی بے زار ہوں یقیں جانو
پھنسا ہوا ہے جو رشدی لعین کی لعنت میں
Zabaan zabaan hai qalam hai wohi Qalam Nazmi
Jo jab chale to chale Rab ki hi itaat mein
زباں زباں ہے قلم ہے وہی قلم نظمی
جو جب چلے تو چلے رب کی ہی اطاعت میں
Hai Rab ka shukar ke tum ko banaya Rab mera
Ye naaz mera rahe ga Khuda ki ne'mat mein
ہے رب کا شکر کہ تم کو بنایا رب میرا
یہ ناز میرا رہے گا خدا کی نعمت میں
Chalao khoob chalao mujhe tumhain haqq hai
Main kaam deen ke aaon tumhari ma'iyat mein
چلاؤ خوب چلاؤ مجھے تمہیں حق ہے
میں کام دین کے آؤں تمہاری معیت میں
Tumhein dimaag chalao ge aur mujh ko bhi
To dohra hissa mile ga Khuda ki sunnat mein
تمہیں دماغ چلاؤگے اور مجھ کو بھی
تو دوہرا حصہ ملے گا خدا کی سنّت میں
Sawab karne pe tarfain ajar payen ge
Sawab ka hai yahi falsafah shariat mein
ثواب کرنے پہ طرفین اجر پائیں گے
ثواب کا ہے یہی فلسفہ شریعت میں
Tumhare sadqe mein mujh ko bhi bheek mil jaye
To main bhi samjhoon ke hoon badshah qismat mein
تمہارے صدقے میں مجھ کو بھی بھیک مل جائے
تو میں بھی سمجھوں کہ ہوں بادشاہ قسمت میں
Utha ke choom liya maine phir qalam apna
Mere rafeeq mere raazdaar har mat mein
اٹھا کے چوم لیا میں نے پھر قلم اپنا
مرے رفیق مرے رازدار ہر مت میں
To mere haath mein jab se hai jab main bachha tha
Mujhe pata na tha kya sar hai teri khalqat mein
تو میرے ہاتھ میں جب سے ہے جب میں بچہ تھا
مجھے پتہ نہ تھا کیا سر ہے تیری خلقت میں
Khilona jaan ke main phainkta phira tujh ko
Kabhi rakha tujhe battees ki amanat mein
کھلونا جان کے میں پھینکتا پھرا تجھ کو
کبھی رکھا تجھے بتیس کی امانت میں
Phir ek din mere ustad ne pakar kar haath
Diya tujhe meri angusht ki amanat mein
پھر ایک دن مرے استاد نے پکڑ کر ہاتھ
دیا تجھے مری انگشت کی امانت میں
Jo pehla lafz likha maine tha woh Allahu
Mere qalam ka bhi eemaan Khuda ki wahdat mein
جو پہلا لفظ لکھا میں نے تھا وہ اللہُ
مرے قلم کا بھی ایماں خدا کی وحدت میں
Phir is ke baad likha naam jaan e rehmat ka
Ke jin ke noor se aaya hai noor khalqat mein
پھر اس کے بعد لکھا نام جانِ رحمت کا
کہ جن کے نور سے آیا ہے نور خلقت میں
Alif likha, likhi ha aur phir banai meem
Banai daal phir is awlin ibaarat mein
الف لکھا، لکھی حا اور پھر بنائی میم
بنائی دال پھر اس اولیں عبارت میں
Alif hai masl e qiyam, ha ruku, sajda meem
Hai daal qa'dah ki surat har aik rak'at mein
الف ہے مثل قیام، حا رکوع، سجدہ میم
ہے دال قعدہ کی صورت ہر ایک رکعت میں
Hai naam kitna haseen kitni barkaton wala
Huroof jis ke hain sirr i nihan ibadat mein
ہے نام کتنا حسیں کتنی برکتوں والا
حروف جس کے ہیں سرِّ نہاں عبادت میں
Qalam ae mere qalam, mujh se ruthna na kabhi
Kabhi kami na ho meri teri muhabbat mein
قلم اے میرے قلم، مجھ سے روٹھنا نہ کبھی
کبھی کمی نہ ہو میری تری محبت میں
Main she'r sochoon to qirtaas par utaar ise
Ke kaarobaar rahe mushtarek ma'eeshat mein
میں شعر سوچوں تو قرطاس پر اتار اسے
کہ کاروبار رہے مشترک معیشت میں
Mujhe sawab mile is mein tera aadha ho
Tera sawab mile mujh ko nisf qeemat mein
مجھے ثواب ملے اس میں تیرا آدھا ہو
ترا ثواب ملے مجھ کو نصف قیمت میں
Ilahi mere iraadon ko de amal ka libas
Mere qalam ko chala naat hi ki sanat mein
الٰہی میرے ارادوں کو دے عمل کا لباس
مرے قلم کو چلا نعت ہی کی صنعت میں
Share This Naat
Share with friends and family
میں ایک رات گرفتار تھا حرارت میں
سید آل رسول حسنین میاں برکاتی نظمی