مدینے جا کے آقا سے ، مرا یہ ماجرا کہنا
رہے جاری توجُّہ کا شہا ! یہ سلسلہ کہنا
Madine ja ke aaqa se, mera yeh majra kehna
Rahe jaari tawajju ka shaha! yeh silsila kehna
مبارک ہو مدینے کا سفر اے زائرو ! تُم کو
مِری بِپتا مدینے میں ،مِرے آقا سے جا کہنا
Mubarak ho Madine ka safar aye zayiro! tum ko
Meri bipta Madine mein, mere aaqa se ja kehna
ترے صدقے شہا! ہم کوبھی یہ توفیق مل جائے
بنا لیں یہ وظیفہ ہم ، سدا صلِّ علیٰ کہنا
Tere sadqe shaha! hum ko bhi yeh tofeeq mil jaye
Bana len yeh wazeefa hum, sada solli ala kehna
وہ روضہ آپ کا آقا !جو مرجع ہے ملائک کا
زمیں پر نُور کا منبع ہے ،اُس روضے کا کیا کہنا
Woh Roza aap ka aaqa! jo marja hai malaaik ka
Zameen par noor ka manba hai, us rozay ka kya kehna
مری بھی لاج رکھ لینا، خُدارا حشر میں آقاْ !
خُدائے عزّ و جلّ مانے ہے تیرا باخُدا ، کہنا
Meri bhi laaj rakh lena, Khudara hashr mein aaqa!
Khudae izz-o-jal mane hai tera bakhuda, kehna
ترا در چھوڑ کر آقاْ ! گدا تیرے کہاں جائیں
نہیں تیرے سوا کوئی ہمارا آسرا ، کہنا
Tera dar chhod kar aaqa! gada tere kahan jayein
Nahi tere siwa koi hamara aasra, kehna
جلیلِ پر خطا پر بھی کرم کرنا سرِ محشر
اسے چھوڑو اسے چھوڑو ،یہ میرا ہے ، شہا! کہنا
Jaleel-e par khata par bhi karam karna sar-e-mahshar
Ise chhodo ise chhodo, yeh mera hai, shaha! kehna
Share This Naat
Share with friends and family
مدینے جا کے آقا سے ، مرا یہ ماجرا کہنا
حافظ عبدالجلیل