مدیحِ شاہِ زمن کا مرید کر رہا ہوں
میں اپنے حرف کو بے حد مفید کر رہا ہوں
Madiha-e-Shah-e-Zaman ka mureed kar raha hoon
Main apne harf ko be had mufeed kar raha hoon
سکھا رہا ہوں نگاہوں کو حاضری کا ہنر
ابھی تو شوقِ مدینہ شدید کر رہا ہوں
Sikha raha hoon nigahon ko hazri ka hunar
Abhi to shauq-e-Madina shadeed kar raha hoon
نہیں ہے نقدِ عمل کچھ بھی میرے پاس مگر
حروفِ نعت سے جنت خرید کر رہا ہوں
Nahin hai naqad-e-amal kuch bhi mere paas magar
Huroof-e-naat se jannat khareed kar raha hoon
یہی سبب ہے زمیں پر تمام خوشیوں کا
ربیعِ نور کی بارہ ہے، عید کر رہا ہوں
Yahi sabab hai zameen par tamam khushiyon ka
Rabi-ul-Noor ki barah hai, Eid kar raha hoon
یہاں نظر کا اٹھانا بھی اک جسارت ہے
نظر جھکا کے مواجہ کی دید کر رہا ہوں
Yahan nazar ka uthana bhi ik jasarat hai
Nazar jhuka ke Mawajah ki deed kar raha hoon
میں جی گیا ہوں تو اس کا سبب مدینہ ہے
فضائے نور سے سانسیں کشید کر رہا ہوں
Main jee gaya hoon to us ka sabab Madina hai
Fazaa-e-Noor se saansen kashaid kar raha hoon
غزل کو چھوڑ کے آیا ہوں نعت کی جانب
میں اپنے بختِ ہنر کو سعید کر رہا ہوں
Ghazal ko chhod ke aaya hoon naat ki janib
Main apne bakht-e-hunar ko Saeed kar raha hoon
نہیں ہے خم ابھی شایانِ بارگاہِ نبی
جبینِ دل کو خمیدہ مزید کر رہا ہوں
Nahin hai kham abhi shayan-e-Bargah-e-Nabi
Jabeen-e-dil ko khamida mazeed kar raha hoon
Share This Naat
Share with friends and family
مدیحِ شاہِ زمن کا مرید کر رہا ہوں
اشفاق احمد غوری