لب پہ آتی ہے دعا بن کے تمنا ميری
زندگی شمع کی صورت ہو خدايا ميری
Lab pe aati hai dua ban ke tamana meri
Zindagi shama ki surat ho Khudaya meri
دُور دنيا کا مرے دم سے اندھيرا ہو جائے
ہر جگہ ميرے چمکنے سے اُجالا ہو جائے
door duniya ka mere dam se andhera ho jaye
Har jagah mere chamakne se ujala ho jaye
ہو مرے دم سے يونہی ميرے وطن کی زينت
جس طرح پھول سے ہوتی ہے چمن کی زينت
Ho mere dam se yunhi mere watan ki zeenat
Jis tarah phool se hoti hai chaman ki zeenat
زندگی ہو مری پروانے کی صورت يا رب
علم کی شمع سے ہو مجھ کو محبت يا رب
Zindagi ho meri parwane ki surat ya Rab
Ilm ki shama se ho mujh ko mohabbat ya Rab
ہو مرا کام غريبوں کی حمايت کرنا
دردمندوں سے ضعيفوں سے محبت کرنا
Ho mera kaam ghareebon ki himayat karna
Dardmandoon se zaeefon se mohabbat karna
مرے اللہ! برائی سے بچانا مُجھ کو
نيک جو راہ ہو اسی رہ پہ چلانا مجھ کو
Mere Allah! burayi se bachana mujh ko
Naik jo raah ho usi rah pe chalana mujh ko
Share This Naat
Share with friends and family
لب پہ آتی ہے دعا بن کے تمنا ميری
نامعلوم