لب دے اُتے نام نبی دا دل وچ یاد نبی دی
نعت پڑھاں تے فوراً ملدی مینوں داد نبی دی
Lab de utte naam Nabi da dil vich yaad Nabi di
Naat parhaan te foran maldi mainu daad Nabi di
ہر ویلے امداد ہے گھلدا اللہ پاک نبی نوں
ایسے لئی سب جگ نوں ملدی ہے امداد نبی دی
Har vele imdaad hai ghalda Allah Pak Nabi nu
Aise layi sab jag nu maldi hai imdaad Nabi di
ہر چنگے ہر ماڑے تائیں لوے پناہواں اندر
رکھے رب ہمیشہ بستی شاد آباد نبی دی
Har chnge har maadey taain loe panahwan andar
Rakhve Rab hamesha basti shaad aabad Nabi di
کملی والے آکھیا رب نوں خیر کرم دا پادے
بخش دتی رب اُمت ہیسی سُن فریاد نبی دی
Kamli wale aakhya Rab nu khair karam da paade
Bakhsha diti Rab Ummat hesi sun faryaad Nabi di
لکھاں ولی مدینے دے وچ خیرا منگدے پھر دے
ادبوں چوکھٹ ملی رکھن غوث اوتاد نبی دی
Likha vala Madine de vich khaira mangde phir de
Adabun chaukhat mili rakhan Ghaus Otaad Nabi di
کیوں ناں نعرے علی علی دے نبی دے عاشق لاون
جس نوں ناد علی دی کہندے اوہ ہے ناد نبی دی
Kyon na naare Ali Ali de Nabi de aashiq laawan
Jis nu Naad Ali di kehnde oh hai naad Nabi di
جا کے شہر مدینے اندر ملدی نویں حیاتی
بھاگاں والی نگری صائم زنده باد نبی دی
Ja ke Shehr Madine andar maldi nave hayati
Bhagan wali nagri Saaim zinda baad Nabi di
Share This Naat
Share with friends and family
لب دے اُتے نام نبی دا دل وچ یاد نبی دی
علامہ صائم چشتی