کیا مہکتے ہیں مہکنے والے
بو پہ چلتے ہیں بھٹکنے والے
Kya mehakty hain mehakne walay
Boo pe chalty hain bhatakne walay
جگمگا اُٹھی مِری گور کی خاک
تیرے قربان چمکنے والے
Jagmaga uthi meri gor ki khaak
Tere qurbaan chamakne walay
مہِ بے داغ کے صَدقے جاؤں
یُوں دمکتے ہیں دمکنے والے
Mah-e-be daagh ke sadqay jaon
Yun damakte hain damakne walay
عرش تک پھیلی ہے تابِ عارِض
کیا جھلکتے ہیں جھلکنے والے
Arsh tak pheli hai taab-e-aariz
Kya jhalakte hain jhalakne walay
گلِ طیبہ کی ثنا گاتے ہیں
نخلِ طوبیٰ پہ چہکنے والے
Gul-e-Tayba ki sana gaate hain
Nakhle tooba pe chahakne walay
عاصیو! تھام لو دامن اُن کا
وہ نہیں ہاتھ جھٹکنے والے
Aasiyo! Thaam lo daaman un ka
Woh nahi haath jhatakne walay
ابر رحمت کے سَلامی رہنا
پھلتے ہیں پودے لچکنے والے
Abr-e-rahmat ke salaami rehna
Phalty hain poday lachhakne walay
ارے یہ جلوہ گہِ جاناں ہے
کچھ اَدَب بھی ہے پھڑکنے والے
Aray yeh jalwa gah-e-janaan hai
Kuch adab bhi hai pharakne walay
سُنّیو! ان سے مَدَد مانگے جاؤ
پڑے بکتے رہیں بکنے والے
Sunnio! Un se madad maangay jao
Pade bakte rahen bakne walay
شمع یادِ رُخِ جاناں نہ بجھے
خاک ہو جائیں بھڑکنے والے
Shama yaad-e-rukh-e-janaan na bujhe
Khaak ho jaen bharakne walay
مَوت کہتی ہے کہ جلوہ ہے قریب
اِک ذرا سو لیں بلکنے والے
Maut kehti hai ke jalwa hai qareeb
Ik zara so lein bilakne walay
کوئی اُن تیز رووں سے کہہ دو
کِس کے ہو کر رہیں تھکنے والے
Koi un tez roon se keh do
Kis ke ho kar rahen thakne walay
دل سُلگتا ہی بھلا ہے اے ضبط
بُجھ بھی جاتے ہیں دہکنے والے
Dil sulagta hi bhala hai ay zabt
Bujh bhi jaate hain dahakne walay
ہم بھی کمھلانے سے غافِل تھے کبھی
کیا ہنسا غنچے چٹکنے والے
Hum bhi kumhilane se ghaafil the kabhi
Kya hansa ghnche chatakne walay
نخل سے چھٹ کے یہ کیا حال ہوا
آہ او پتّے کھڑکنے والے
Nakhl se chhat ke yeh kya haal hua
Aah o patte khadakne walay
جب گِرے مُنھ سُوئے میخانہ تھا
ہوش میں ہیں یہ بہکنے والے
Jab gire munh soo-e-maikhana tha
Hosh mein hain yeh behakne walay
دیکھ اَو زَخمِ دِل آپے کو سنبھال
پھوٹ بہتے ہیں تپکنے والے
Dekh o zakhm-e-dil aape ko sambhaal
Phoot behte hain tapakne walay
مے کہاں اور کہاں میں زاہد
یُوں بھی تو چھکتے ہیں چھکنے والے
Mae kahan aur kahan mein zahid
Yun bhi to chakte hain chakne walay
کفِ دریائے کرم میں ہیں رضاؔ
پانچ فوّارے چھلکنے والے
Kaf-e-daryaye karam mein hain Raza
Paanch fawware chalakne walay
Share This Naat
Share with friends and family
کیا مہکتے ہیں مہکنے والے
احمد رضا خان بریلوی