کیا کریں محفلِ دِلدار کو کیونکر دیکھیں
اپنے سرکار کے دَربار کو کیونکر دیکھیں
Kya karein mehfil-e-dildar ko kyun kar dekhein
Apne Sarkar ke darbar ko kyun kar dekhein
تابِ نظارہ تو ہو یار کو کیونکر دیکھیں
آنکھیں ملتی نہیں دِیدار کو کیونکر دیکھیں
Taab-e-nazara to ho yaar ko kyun kar dekhein
Aankhein milti nahin deedaar ko kyun kar dekhein
دِلِ مردہ کو تِرے کوچہ میں کیونکر لے جائیں
اَثرِ جلوۂ رَفتار کو کیونکر دیکھیں
Dil-e-murda ko tire koocha mein kyun kar le jaayein
Asar-e-jalwa-e-raftar ko kyun kar dekhein
جن کی نظروں میں ہے صحرائے مَدینہ بلبل
آنکھ اُٹھا کر ترے گلزار کو کیونکر دیکھیں
Jin ki nazron mein hai sehra-e-madina bulbul
Aankh utha kar tire gulzar ko kyun kar dekhein
عوضِ عفو گنہ بکتے ہیں اِک مجمع ہے
ہائے ہم اپنے خریدار کو کیونکر دیکھیں
Aiwaz-e-afu gunah bikte hain ek majma hai
Hai hum apne khareedaar ko kyun kar dekhein
ہم گنہگار کہاں اور کہاں رُویتِ عرش
سر اُٹھا کر تری دیوار کو کیونکر دیکھیں
Hum gunahgaar kahan aur kahan rooyat-e-arsh
Sar utha kar teri dewaar ko kyun kar dekhein
اَور سرکار بنے ہیں تو انہیں کے دَر سے
ہم گدا اَور کی سرکار کو کیونکر دیکھیں
Aur sarkar bane hain to unhi ke dar se
Hum gada aur ki sarkar ko kyun kar dekhein
دَستِ صیاد سے آہو کو ُچھڑائیں جو کریم
دامِ غم میں وہ گرفتار کو کیونکر دیکھیں
Dast-e-sayyad se aahu ko chhuraaein jo kareem
Daam-e-gham mein wo giraftaar ko kyun kar dekhein
تابِ دِیدار کا دعویٰ ہے جنہیں سامنے آئیں
دیکھتے ہیں تِرے رُخسار کو کیونکر دیکھیں
Taab-e-deedaar ka daawa hai jinhein samne aayein
Dekhte hain tire rukhsar ko kyun kar dekhein
دیکھئے کوچہ محبوب میں کیونکر پہنچیں
دیکھئے جلوۂ دیدار کو کیونکر دیکھیں
Dekhiye koocha mehboob mein kyun kar pahunchein
Dekhiye jalwa-e-deedaar ko kyun kar dekhein
اہلکارانِ سقر اور ارادہ سے حسنؔ
ناز پروردۂ سرکار کو کیونکر دیکھیں
Ahelkaran-e-saqar aur iraada se Hasan
Naaz parwarda-e-sarkar ko kyun kar dekhein
Share This Naat
Share with friends and family
کیا کریں محفلِ دِلدار کو کیونکر دیکھیں
حسن رضا خان