کُجھ نئیں درکار سانوں سامنے یار ہووے
بھانویں گم ہون ہزاراں دسدا غم خوار ہووے
Kujh naeen darkar saanon samne yaar hovay
Bhanveen gum hon hazaraan dasda gham khwar hovay
شوکت تے شان نہ منگاں دولت دا مان نہ منگاں
سازو سامان نہ منگاں، مَیں ہوواں یار ہووے
Shaukat te shaan na manga dola't da maan na manga
Saazo saaman na manga, mein howaan yaar hovay
توں ساڈا مان ساقی ساڈا ارمان ساقی
نکلے جد جان ساقی تیرا دیدار ہووے
Toon sada maan saqi sada arman saqi
Niklai jad jaan saqi tera deedaar hovay
بن دا اے تاں مستانہ اکھیاں دا بنے نشانہ
قدماں تے سر نذرانہ ہنجواں دا ہار ہووے
Ban da ae taan mastana akkhiyaan da banay nishana
Qudmaan tay sar nazrana hanjwaan da haar hovay
گلشن نوں اِٹ نہ ماراں منگدا نئیں باغ بہاراں
مستاں دیاں ہون قطاراں تیرا دربار ہووے
Gulshan noo itt na maran mangda naeen baagh baharan
Mastaan diyaan hon qataraan tera darbaar hovay
وسّے دربار ظہوریؔ، جیون مے خوار ظہوریؔ
پیون مے خوار ظہوریؔ ساقی سرکار ہووے
Vassay darbar Zahoori, jeevan may khwar Zahoori
Piyun may khwar Zahoori saqi sarkar hovay
Share This Naat
Share with friends and family
کُجھ نئیں درکار سانوں سامنے یار ہووے
محمد علی ظہوری