کوئی تو ہے جو نظامِ ہستی چلا رہا ہے ، وہی خدا ہے
دکھائی بھی جو نہ دے ، نظر بھی جو آرہا ہے وہی خدا ہے
Koi to hai jo nizaam-e-hasti chala raha hai, wohi Khuda hai
Dikhaai bhi jo na de, nazar bhi jo aa raha hai wohi Khuda hai
تلاش اُس کو نہ کر بتوں میں ، وہ ہے بدلتی ہوئی رُتوں میں
جو دن کو رات اور رات کو دن بنا رہا ہے ، وہی خدا ہے
Talaash us ko na kar buton mein, woh hai badalti hui ruton mein
Jo din ko raat aur raat ko din bana raha hai, wohi Khuda hai
وہی ہے مشرق وہی ہے مغرب ، سفر کریں سب اُسی کی جانب
ہر آئینے میں جو عکس اپنا دکھا رہا ہے ، وہی خدا ہے
Wohi hai mashriq wohi hai maghrib, safar karein sab usi ki jaanib
Har aayine mein jo aks apna dikha raha hai, wohi Khuda hai
کسی کو سوچوں نے کب سراہا ، وہی ہوا جو خدا نے چاہا
جو اختیارِ بشر پہ پہرے بٹھا رہا ہے ، وہی خدا ہے
Kisi ko sochun ne kab saraha, wohi hua jo Khuda ne chaaha
Jo ikhtiyaar-e-bashar pe pehre bitha raha hai, wohi Khuda hai
نظر بھی رکھے ،سماعتیں بھی ، وہ جان لیتا ہے نیتیں بھی
جو خانہء لاشعور میں جگمگا رہا ہے ، وہی خدا ہے
Nazar bhi rakhe, samaa'tain bhi, woh jaan leta hai niyatain bhi
Jo khanah-e-la'shur mein jagmaga raha hai, wohi Khuda hai
کسی کو تاجِ وقار بخشے ، کسی کو ذلت کے غار بخشے
جو سب کے ماتھے پہ مہرِ قدرت لگا رہا ہے ، وہی خدا ہے
Kisi ko taaj-e-waqaar bakshe, kisi ko zillat ke ghar bakshe
Jo sab ke mathe pe mohr-e-qudrat laga raha hai, wohi Khuda hai
سفید اُس کا سیاہ اُس کا ، نفس نفس ہے گواہ اُس کا
جو شعلہء جاں جلا رہا ہے ، بُجھا رہا ہے ، وہی خدا ہے
Safaid us ka siyaah us ka, nafs nafs hai gawaah us ka
Jo shola-e-jaan jala raha hai, bujha raha hai, wohi Khuda hai
Share This Naat
Share with friends and family
کوئی تو ہے جو نظامِ ہستی چلا رہا ہے
مظفر وارثی