کوئی بھی ہمسر نہیں بندہ ترا
تو ہے خالق وصف ہے یکتا ترا
Koi bhi hamsar nahi banda tera
Tu hai khaleq wasf hai yakta tera
ہر زباں تسبیح پڑھتی ہے تری
ہر لبِ مخلوق پر کلمہ ترا
Har zabaan tasbeeh padhti hai teri
Har lab-e-makhlooq par kalma tera
تیری قدرت کا ہے مظہر ہر نفس
" کون سی شے میں نہیں جلوہ ترا "
Teri qudrat ka hai mazhar har nafas
" Kaun si shai mein nahi jalwa tera "
ذات تیری وحدہٗ تو لا شریک
کوئی بھی ثانی نہیں مولیٰ ترا
Zaat teri wahda tu la shareek
Koi bhi sani nahi Maula tera
سب کے سب کم تر ہیں تیرے سامنے
سب سے برتر ہے خدا رتبہ ترا
Sab ke sab kam tar hain tere samne
Sab se bartar hai Khuda rutba tera
تیری ہی تابع ہر اک مخلوق ہے
دہر کی ہر شے پہ ہے قبضہ ترا
Teri hi tabi' har ek makhlooq hai
Dahr ki har shai pe hai qabza tera
عرش پر شکلِ مہ و مہر و نجوم
پُر ضیا ہے نور کا کنبہ ترا
Arsh par shakl-e-mah o mehr o nujoom
Pur zia hai noor ka kunba tera
تو نے بندوں کو سخاوت کی عطا
بانٹتے ہیں تاجور صدقہ ترا
Tu ne bandon ko sakhawat ki ata
Baantte hain taajwar sadqa tera
کیوں جبیں خم ہو درِ اغیار پر
سر بلندی ہے مری سجدہ ترا
Kyun jabeen kham ho dar-e-aghyar par
Sar bulandi hai meri sajda tera
اے خدا دے دے اسے غم سے نجات
احسنِؔ محزوں بھی ہے بندہ ترا
Ae Khuda de de ise gham se nijat
Ahsan-e-mahzun bhi hai banda tera
Share This Naat
Share with friends and family
کوئی بھی ہمسر نہیں بندہ ترا
احسن اعظمی