کیا بتائے گا کوئی رِفعتِ بامِ حسنین
چرخِ لاہُوت پہ ہے ماہِ تمامِ حسنین
Kya bataye ga koi rift-bam-e-Hasanain
Charkh-e-lahut pe hai maah-e-tamam-e-Hasanain
کوئی دیوانہ خبر لائے تو لائے ورنہ
حدِ ادراک سے آگے ہے مقام حسنین
Koi Deewana khabar laaye to laaye warna
Had-e-idraak se aage hai maqam-e-Hassanain
کِتنے خوش ہیں غمِ حسنین میں جلنے والے
کِتنے وارستہ ہیں پا بستٔہ دامِ حسنین
Kitne khush hain gham-e-Hasanain main jalne wale
Kitne warasta hain pa basta-dam-e-Hasanain
غمِ حسنین پہ کونین کی خوشیاں قُرباں
رُوکشِ صُبحِ ازل ہے سرِ شامِ حسنین
Gham-e-Hasanain pe konain ki khushiyaan qurban
Rokash-e-subah-e-azal hai sar-e-shaam-e-Hasanain
کِسی نا اہل پہ کھُلتا نہیں کونین کا راز
کسی کم ظرف کو ملتا نہیں جامِ حسنَین
Kisi na-ahle pe khulta nahi konain ka raaz
Kisi kam zaraf ko milta nahi jam-e-Hasanain
ہائے وہ سر جو نہ ہو خاکِ درِ آلِ رسولؐ
ہائے وہ دل کہ نہ ہو جس میں مقامِ حسنین
Haye wo sar jo na ho khaak-e-dar-e-aal-e-Rasoolؐ
Haye wo dil ke na ho jis mein maqam-e-Hasanain
کون ایسا ہے جو اِس گھر کا نمک خوار نہیں
وا نہیں کس پہ درِ بخششِ عامِ حسنین
Kaun aisa hai jo is ghar ka namak khwar nahi
Waa nahi kis pe dar-e-bakhshish-e-aam-e-Hasanain
نارِ دوزخ سے ہے محفوظ گدائے شبّیر
بے نیازِ غمِ عقبےٰ ہے غلامِ حسنین
Naar-e-dozakh se hai mehfooz gada-e-Shabbir
Be-niyaz-e-gham-e-uqbuyya hai ghulam-e-Hasanain
ہے اسِی حسنِ عمل پر مری بخشش کا مدار
میرے افسانے کا عُنواں ہے ”بنامِ حسنین“
Hai isi husn-e-amal par meri bakhshish ka maadār
Mere afsane ka unwan hai "Bnaam-e-Hasanain"
ناز کرتی نہ صبا اپنے چلَن پر اعظؔم
دیکھ لیتی اگر اندازِ خرامِ حسنین
Naaz karti na saba apne chalan par Azam
Dekhti agar andaaz-e-kharaam-e-Hasanain
Share This Naat
Share with friends and family
کیا بتائے گا کوئی رِفعتِ بامِ حسنین
محمد اعظم چشتی