کیا عزّ و شرف رکھتے ہیں مہمانِ مدینہ
جب عرش مکاں ہوتے ہیں مہمانِ مدینہ
Kya izz o shraf rakhte hain mehman-e-Madina
Jab arsh makaan hote hain mehman-e-Madina
آتے ہیں یہاں صبح و مسا نوری ملائک
اور نُور بہ جاں بستے ہیں مہمانِ مدینہ
Aate hain yahan subh o masa noori malaik
Aur noor beh jaan baste hain mehman-e-Madina
اک کیف چھلکتا ہے وہاں قلب و نظر سے
سیرابیٔ جاں رکھتے ہیں مہمانِ مدینہ
Ek kaif chalakta hai wahan qalb o nazar se
Serabi-e-jaan rakhte hain mehman-e-Madina
خاطر میں کہاں لائیں کبھی اہلِ دول کو
قدموں میں شہی رکھتے ہیں مہمانِ مدینہ
Khatir mein kahan laen kabhi ahl-e-dowl ko
Qadmon mein shi rakhte hain mehman-e-Madina
لفظوں سے کبھی عرضِ تمنّا نہیں کرتے
بس اشک فشاں رہتے ہیں مہمانِ مدینہ
Lafzon se kabhi arz-e-tamanna nahi karte
Bas ashq fisha rahte hain mehman-e-Madina
دھڑکن میں ہمہ وقت درودوں کا تسلسل
کیا حسنِ بیاں رکھتے ہیں مہمانِ مدینہ
Dharkan mein hama waqt duroodon ka tasalsul
Kya husn-e-bayaan rakhte hain mehman-e-Madina
رُک رُک کے ہوا چلتی ہے جیسے پئے تعظیم
جھک جھک کے یونہی چلتے ہیں مہمانِ مدینہ
Ruk ruk ke hawa chalti hai jaise piye taazeem
Jhuk jhuk ke yunhi chalte hain mehman-e-Madina
کیا خوانِ کرم ہے کہ بچھا رہتا ہے ہر دم
ٹکڑوں پہ ترے پلتے ہیں مہمانِ مدینہ
Kya khwan-e-karam hai ke bicha rahta hai har dam
Tukron pe tere paltay hain mehman-e-Madina
لگتے تھے قدم تیرے جہاں پر مرے آقا
پیشانی وہیں دھرتے ہیں مہمانِ مدینہ
Lagte the qadam tere jahan par mere aaqa
Peshani wahi dharte hain mehman-e-Madina
ہیں خوشبو فشاں روضۂ جنّت کی فضائیں
پر کیف وہاں رہتے ہیں مہمانِ مدینہ
Hain khushbu fisha roze-e-jannat ki fazayen
Pur kaif wahan rahte hain mehman-e-Madina
دھڑکا سا لگا رہتا ہے جانے کا وہاں سے
یہ کربِ نہاں سہتے ہیں مہمانِ مدینہ
Dharka sa laga rahta hai jane ka wahan se
Ye karb-e-nahan sehate hain mehman-e-Madina
ہمراہی میسر ہے وہاں آل عبا کی
خوش بخت بہت لگتے ہیں مہمانِ مدینہ
Hamrahi mayassar hai wahan aal-e-aba ki
Khush bakht bohot lagte hain mehman-e-Madina
ملنے کو ہے اب نوری تجھے اذنِ حضوری
وہ دیکھ، دعا کرتے ہیں مہمانِ مدینہ
Milne ko hai ab noori tujhe izn-e-huzoori
Woh dekh, dua karte hain mehman-e-Madina
Share This Naat
Share with friends and family
کیا عزّ و شرف رکھتے ہیں مہمانِ مدینہ
محمد ظفراقبال نوری