کھلا اے در میخانے دا رحمت دیاں لگیاں جھڑیاں نے
کئی پی پی ایتھوں ٹر گئیاں کئی وچہ اڈیکاں کھڑیاں نے
khula ae dar maikhanay da rehmat diyaan lagiyaan jhariyaan ne
kai pii pii aithon tr gayiaan kai wichah adikaan khariyaan ne
تینوں واعظ قصے جنت دے ساڈی جنت یار دے قدماں وچہ
توں ہور کتاباں پڑھیاں نے اسیں ہور کتاباں پڑھیاں نے
tainu waiz qisay jannat day saadi jannat yaar day kadmaan wich
toon hor kitaabaan parhiyaan ne asin hor kitaabaan parhiyaan ne
تک تک کے چہرہ مرشد دا اج ریجھاں لاہ لئو خوش بختو
مڑ آون آون نہ آون ایہہ کرماں والیاں گھڑیاں نے
tak tak ke chehra murshid da aj rijhaan laah leyo khush bakhto
md aawan aawan na aawan eh karmaan waaliyaan ghadyaan ne
عقلاں دیاں سوچاں کچیاں نے گلاں عاشقاں کیتیاں سچیاں نے
جے نچتاں پیا تے نچیاں نے جو عشق دے ویڑے وڑیاں نے
aqlaan diyaan sochaan kachiyaan ne galaan aashiqaan keetiyan sachiyaan ne
je nachtaan piya te nachiyaan ne jo ishq de weary warayaan ne
جے یار دی لوڑ تے لوڑ ہووے گل ہور دی ہور دی ہور ہو وے
جہدی مرشد دے ہتھ ڈور ہو وے او ہو گڈیاں اچیاں چڑھیاں نے
je yaar di lod te lod howe gal hor di hor di hor ho we
jehdi murshid de hath dor ho we o ho gadiyaan uchiyan chadhiyaan ne
ٹھنڈ پئے جائے میرے سینے نوں جاواں مڑ کے شہر مدینے نوں
چماں جا کے عرش دے زینے نوں میرے دل وچہ آساں بڑیاں نے
thand paye jae meray seenay nu jawaan mar ke shehar Madeenay nu
chamaan ja ke arsh de zeenay nu meray dil wich aa saan badiyaan ne
کوئی ہور نگاہواں وچہ میری جچیا نئیں ہن تک رب جانے
جس دن توں نیازی ایہہ اکھیاں اس سوہنے دے نال لڑیاں نے
koi hor nigahaan wich meri jachiya naheen han tak Rab jaane
jis din toon Niazi eh akhiaan us sohnay de naal ldariyaan ne
Share This Naat
Share with friends and family
کھلا اے در میخانے دا رحمت دیاں لگیاں جھڑیاں نے
عبدالستار نیازی