خدا کے فضل سے ہم پر ہے سایہ غوثِ اعظم کا

خدا کے فضل سے ہم پر ہے سایہ غوثِ اعظم کا ہمیں دونوں جہاں میں ہے سہارا غوثِ اعظم کا

Khuda ke fazl se hum par hai saya Ghaus-e-Azam ka Hamen dono jahan mein hai sahara Ghaus-e-Azam ka

بلیات و غم و اَفکار کیوں کر گھیر سکتے ہیں سروں پر نام لیووں کے ہے پنجہ غوثِ اعظم کا

Balyat o gham o afkar kyon kar gher sakte hain Saron par naam lewon ke hai panja Ghaus-e-Azam ka

مُرِیْدِیْ لَا تَخَفْ کہہ کر تسلی دی غلاموں کو قیامت تک رہے بے خوف بندہ غوثِ اعظم کا

Muridi la takhaf keh kar tasalli di ghulamon ko Qayamat tak rahe be khauf banda Ghaus-e-Azam ka

جو اپنے کو کہے میرا مرید وں میں وہ داخل ہے یہ فرمایا ہوا ہے میرے آقا غوثِ اعظم کا

Jo apne ko kahe mera muridon mein woh daakhil hai Yeh farmaya hua hai mere aaqa Ghaus-e-Azam ka

سجل ان کو دیا وہ رب نے جس میں صاف لکھا ہے کہ جائے خلد میں ہر نام لیوا غوثِ اعظم کا

Sijil un ko diya woh Rab ne jis mein saaf likha hai Ke jaye khuld mein har naam lewa Ghaus-e-Azam ka

ہماری لاج کس کے ہاتھ ہے بغداد والے کے مصیبت ٹال دینا کام کس کا غوثِ اعظم کا

Hamari laaj kis ke hath hai Baghdad wale ke Maseebat taal dena kaam kis ka Ghaus-e-Azam ka

جہازِ تاجراں گرداب سے فوراً نکل آیا وظیفہ جب انہوں نے پڑھ لیا یا غوثِ اعظم کا

Jahaz-e-tajraan gardab se foran nikal aaya Wazifa jab unhoon ne parh liya ya Ghaus-e-Azam ka

گئے اِک وقت میں ستر مریدوں کے یہاں آقا سمجھ میں آ نہیں سکتا مُعَمَّا غوثِ اعظم کا

Gaye ik waqt mein sattar muridon ke yahan aaqa Samajh mein aa nahi sakta mu'amma Ghaus-e-Azam ka

شفا پاتے ہیں صدہا جاں بلب اَمراضِ مُہْلِک سے عجب دارُالشفا ہے آستانہ غوثِ اعظم کا

Shifa pate hain sadha jaan balab amraaz-e-muhlik se Aajab dar-ul-shifa hai aastana Ghaus-e-Azam ka

نہ کیونکر اَولیا اس آستانے کے بنیں منگتا کہ اِقلیمِ وِلایت پر ہے قبضہ غوثِ اعظم کا

Ka keyonkar awliya is aastane ke banen mangta Ke iqleem-e-wilayat par hai qabza Ghaus-e-Azam ka

بلا کر کافروں کو دیتے ہیں اَبدال کا رُتبہ ہمیشہ جوش پر رہتا ہے دریا غوثِ اعظم کا

Bula kar kafiron ko dete hain abdal ka rutba Hamesha josh par rahta hai darya Ghaus-e-Azam ka

بِلَادُ اللہِ مُلْکِیْ تَحْتَ حُکْمِی سے یہ ظاہر ہے کہ عالم میں ہر اِک شے پر ہے قبضہ غوثِ اعظم کا

Bilad-ullah mulki taht hukmi se yeh zaahir hai Ke aalam mein har ek shai par hai qabza Ghaus-e-Azam ka

وَوَلَّانِیْ عَلَی الْاَقْطَابِ جَمْعًا صاف کہتا ہے کہ ہر اِک قطب ہے عالم میں چیلا غوثِ اعظم کا

Wa walaani ala-al-aqtaab jam'an saaf kehta hai Ke har ek qutub hai aalam mein chela Ghaus-e-Azam ka

فَحُکْمِیْ نَافِذٌ فِیْ کُلِّ حَالٍ سے ہوا ظاہر تصرف اِنس و جن سب پر ہے آقا غوثِ اعظم کا

Fa hukmi naafizun fi kulli haalin se hua zaahir Tasarruf ins wa jin sab par hai aaqa Ghaus-e-Azam ka

سلاطینِ جہاں کیونکر نہ ان کے رُعب سے کانپیں نہ لایا شیر کو خطرے میں ُکتا غوثِ اعظم کا

Salateen-e-jahan keyonkar na un ke raab se kaanpe Na laya sher ko khatre mein kita Ghaus-e-Azam ka

ہوئی اِک دیو سے لڑکی رِہا اس نام لیوا کی پڑھا جنگل میں جب اس نے وَظیفہ غوثِ اعظم کا

Hui ik deo se ladki reha us naam lewa ki Parha jungle mein jab us ne wazifa Ghaus-e-Azam ka

ہوا موقوف فوراً ہی برسنا اہل مجلس پر جو پایا اَبرِ باراں نے اِشارہ غوثِ اعظم کا

Hua moquf foran hi barsna ahle majlis par Jo paya abr-e-baraan ne ishara Ghaus-e-Azam ka

نیا ہفتہ نیا دن سال نو جس وقت آتا ہے ہر اِک پہلے بجا لاتا ہے مجرا غوثِ اعظم کا

Naya hafta naya din saal no jis waqt aata hai Har ek pehle baja lata hai mjra Ghaus-e-Azam ka

جو حق چاہے وہ یہ چاہیں جو یہ چاہیں وہ حق چاہے تو مٹ سکتا ہے پھر کس طرح چاہا غوثِ اعظم کا

Jo haq chahe woh yeh chahein jo yeh chahein woh haq chahe To mit sakta hai phir kis tarah chaha Ghaus-e-Azam ka

فقیہوں کے دِلوں سے دھودِیا ان کے سوالوں کو دِلوں پر ہے بنی آدم کے قبضہ غوثِ اعظم کا

Faqihon ke dilon se dhu diya un ke sawalon ko Dilon par hai bani Adam ke qabza Ghaus-e-Azam ka

وہ کہہ کر قُمْ بِاِذْنِ اللہ جلا دیتے ہیں مردوں کو بہت مشہور ہے اِحیائے موتی غوثِ اعظم کا

Woh keh kar qum bi iznillah jala dete hain murdon ko Bohat mashhoor hai ihyaa-e-mawta Ghaus-e-Azam ka

جلایا اُستخوانِ مرغ کو دَست کرم رکھ کر بیاں کیا ہوسکے اِحیائے موتی غوثِ اعظم کا

Jalaya ustikhoan-e-murgh ko dast karam rakh kar Bayan kya ho sake ihyaa-e-mawta Ghaus-e-Azam ka

اِلیَّ یَامُبَارَک آتی تھی آواز خلوت میں یہیں سے جان لے منکر تو رُتبہ غوثِ اعظم کا

Ila yaa mubaruk aati thi awaaz khalwat mein Yahin se jaan le munkir to rutba Ghaus-e-Azam ka

فرشتے مدرسے تک ساتھ پہنچانے کو جاتے تھے یہ دَربارِ الٰہی میں ہے رُتبہ غوثِ اعظم کا

Farishtay madrase tak sath pahunchane ko jaate the Yeh darbar-e-ilahi mein hai rutba Ghaus-e-Azam ka

سفر سے واپسی میں دِین اَقدس کو کیا زِندہ مُحِیُّ الدِّیں ہوا یوں نام والا غوثِ اعظم کا

Safar se wapsi mein deen aqdas ko kya zinda Muhiyuddin hua yoon naam wala Ghaus-e-Azam ka

جو فرمایا کہ دَوشِ اِولیا پر ہے قدم میرا لیا سر کو جھکا کر سب نے تلوا غوثِ اعظم کا

Jo farmaya ke daush-e-awliya par hai qadam mera Liya sir ko jhuka kar sab ne talwa Ghaus-e-Azam ka

دَمِ فرماں خراساں میں معین الدین چشتی نے جھکا کر سر لیا آنکھوں پہ تلوا غوثِ اعظم کا

Dam-e-farman Khorasan mein Muinuddin Chishti ne Jhuka kar sir liya aankhon pe talwa Ghaus-e-Azam ka

نہ کیونکر سلطنت دونوں جہاں کی ان کو حاصل ہو سروں پر اپنے لیتے ہیں جو تلوا غوثِ اعظم کا

Na keyonkar saltanat dono jahan ki un ko hasil ho Saron par apne lete hain jo talwa Ghaus-e-Azam ka

لعاب اپنا چٹایا احمدِ مختار نے ان کو تو پھر کیسے نہ ہوتا بول بالا غوثِ اعظم کا

Luab apna chata Ahmed-e-Mukhtar ne un ko To phir kaise na hota bol bala Ghaus-e-Azam ka

رَسُوْلُ اللہ نے خِلْعَت پنہایا بر سرِ مجلس بجے کیوں کر نہ پھر عالم میں ڈَنکا غوثِ اعظم کا

Rasoolullah ne khil'at panhaya bar sar-e-majlis Baja keyon kar na phir aalam mein danka Ghaus-e-Azam ka

محرر چار سو400 مجلس میں حاضر ہو کے لکھتے تھے ہوا کرتا تھا جو اِرشادِ والا غوثِ اعظم کا

Moharir chaar sau lakh majlis mein haazir ho ke likhte the Hua karta tha jo irshad-e-ala Ghaus-e-Azam ka

اگرچہ مرغ سب کے بول کر خاموش ہوتے ہیں مگر ہاں مرغ بولے گا ہمیشہ غوثِ اعظم کا

Agarche murgh sab ke bol kar khamosh hote hain Magar haan murgh bolega hamesha Ghaus-e-Azam ka

کھلے ہفتاد دَر اِک آن میں علمِ لدنی کے خزینہ بن گیا علموں کا سینہ غوثِ اعظم کا

Khule haftaad dar ek aan mein ilm-e-ladunni ke Khazina ban gaya ilmon ka seena Ghaus-e-Azam ka

ہمارا ظاہر و باطن ہے ان کے آگے آئینہ کسی شے سے نہیں عالم میں پردہ غوثِ اعظم کا

Hamari zahir o batin hai un ke aage aaeena Kisi shai se nahi aalam mein parda Ghaus-e-Azam ka

پڑھی لَاحَوْل ا ور شیطاں کے دھوکے کو کیا غارَت علوم و فضل سے وہ نور چمکا غوثِ اعظم کا

Padhi la hawl aur shaytan ke dhokhe ko kya ghaarata Uloom o fazl se woh noor chamka Ghaus-e-Azam ka

قصیدے میں جنابِ غوث کے دیکھو نَظَرْتُ کو تو سوجھے دُور کی ظاہر ہو رُتبہ غوثِ اعظم کا

Qaseede mein jnab-e-ghaus ke dekho nazarto To soojhe door ki zahir ho rutba Ghaus-e-Azam ka

رہے پابند اَحکامِ شریعت اِبتداء ہی سے نہ چھوٹا شیر خواری میں بھی روزہ غوثِ اعظم کا

Rahe pa-band ehkaam-e-shariat ibtida hi se Na chhuta sher khwari mein bhi roza Ghaus-e-Azam ka

ہے جب عرشِ الٰہی پہلی منزل ان کے زینے کی تو پھر کس کی سمجھ میں آئے رُتبہ غوثِ اعظم کا

Hai jab Arsh-e-ilahi pehli manzil un ke zeene ki To phir kis ki samajh mein aaye rutba Ghaus-e-Azam ka

محمد کا رسولوں میں ہے جیسے مرتبہ اعلیٰ ہے اَفضل اَولیا میں یوں ہی رُتبہ غوثِ اعظم کا

Muhammad ka rasulon mein hai jaise rutba aala Hai afzal awliya mein yoon hi rutba Ghaus-e-Azam ka

عطا کی ہے بلندی حق نے اہل اللہکے جھنڈوں کو مگر سب سے کیا اُونچا پھریرا غوثِ اعظم کا

Ata ki hai bulandi haq ne Ahlullah ke jhandon ko Magar sab se kya ooncha phirera Ghaus-e-Azam ka

اسی باعث سے ہیں قبروں میں اپنی اَولیا زندہ حیاتِ دائمی پاتا ہے کشتہ غوثِ اعظم کا

Isi baa'is se hain qubrun mein apni awliya zinda Hayat-e-daimi paata hai kushta Ghaus-e-Azam ka

مری جاں کندنی کا وقت راحت سے بدل جائے سرِبالیں اگر ہوجائے پھیرا غوثِ اعظم کا

Meri jaan kandani ka waqt rahat se badal jaye Sar-e-balain agar ho jaye phera Ghaus-e-Azam ka

رہائی مل گئی اس کو عذابِ قبر و محشر سے یہاں پر مل گیا جس کو وسیلہ غوثِ اعظم کا

Rihayi mil gayi us ko azab-e-qabr o mahshar se Yehaan par mil gaya jis ko waseela Ghaus-e-Azam ka

یہ سنتے ہیں نکیرین اس پہ کچھ سختی نہیں کرتے لکھا ہوتا ہے جس کے دل پہ طغرا غوثِ اعظم کا

Yeh sunte hain nakeerin is pe kuch sakhti nahi karte Likha hota hai jis ke dil pe taighra Ghaus-e-Azam ka

عزیزو کرچکو تیار جب میرے جنازے کو تو لکھ دینا کفن پر نامِ والا غوثِ اعظم کا

Azeezon kar chuko tayyar jab mere janaze ko To likh dena kafan par naam-e-wala Ghaus-e-Azam ka

لحد میں جب فرشتے مجھ سے پوچھیں گے تو کہہ دوں گا طریقہ قادری ہوں نام لیوا غوثِ اعظم کا

Lahad mein jab farishte mujh se poochhenge to keh doonga Tariqa Qadri hon naam lewa Ghaus-e-Azam ka

ندا دے گا منادی حشر میں یوں قادریوں کو کدھر ہیں قادری کرلیں نظارہ غوثِ اعظم کا

Nida dega munadi hashr mein yoon Qadriyon ko Kidhar hain Qadri kar lein nazara Ghaus-e-Azam ka

چلا جائے بلا خوف و خطر فردوسِ اَعلیٰ میں فقط اِک شرط ہے ہو نام لیوا غوثِ اعظم کا

Chala jaye bila khauf o khatar firdous-e-aala mein Fakat ek shart hai ho naam lewa Ghaus-e-Azam ka

فرشتوں روکتے کیوں ہو مجھے جنت میں جانے سے یہ دیکھو ہاتھ میں دامن ہے کس کا غوثِ اعظم کا

Farishte rokte kyoon ho mujhe jannat mein jane se Yeh dekho haath mein daaman hai kis ka Ghaus-e-Azam ka

جنابِ غوث دولہا اور براتی اَولیا ہوں گے مزہ دِکھلائے گا محشر میں سہرا غوثِ اعظم کا

Janab-e-Ghaus dulha aur barati awliya honge Maza dikhlaega mahshar mein sahra Ghaus-e-Azam ka

یہ کیسی روشنی پھیلی ہے میدانِ قیامت میں نقاب اُٹھا ہوا ہے آج کس کا غوثِ اعظم کا

Yeh kaisi roshni phaili hai maidan-e-qayamat mein Niqab utha hua hai aaj kis ka Ghaus-e-Azam ka

یہ محشر میں کھلے ہیں گیسوئے عنبر فَشاں کس کے برستا ہے کرم کا کس کے جھالا غوثِ اعظم کا

Yeh mahshar mein khule hain gesoo-e-amber fishan kis ke Barasta hai karam ka kis ke jhaala Ghaus-e-Azam ka

یہ قیدی چھٹ رہے ہیں اس لیے میدانِ محشر میں خدا خود بانٹتا ہے آج صدقہ غوثِ اعظم کا

Yeh Qaidi chhut rahe hain is liye maidan-e-mahshar mein Khuda khud baantta hai aaj sadqa Ghaus-e-Azam ka

گزاری کھیل میں کل اَب ہوئی اَعمال کی پرسش مگر کام آگیا اس دَم وسیلہ غوثِ اعظم کا

Guzari khel mein kal ab hui a'maal ki pursish Magar kaam aa gaya is dam waseela Ghaus-e-Azam ka

کبھی قدموں پہ لوٹوں گا کبھی دامن پہ مچلوں گا بتادوں گا کہ یوں چھٹتا ہے بندہ غوثِ اعظم کا

Kabhi kadmon pe looton ga kabhi daaman pe machloon ga Bata doon ga ke yoon chhutta hai banda Ghaus-e-Azam ka

ٹھکانا اس کے نیچے یا خدا مل جائے ہم کو بھی کھڑا ہو حشر میں جس وقت جھنڈا غوثِ اعظم کا

Thikana is ke neeche ya Khuda mil jaye hum ko bhi Khada ho hashr mein jis waqt jhanda Ghaus-e-Azam ka

خداوندا دُعا مقبول کر ہم رُوسیاہوں کی گناہوں کو ہمارے بخش صدقہ غوثِ اعظم کا

Khudawanda dua maqbool kar hum rusiyahon ki Gunaahon ko hamare baksh sadqa Ghaus-e-Azam ka

مری پھوٹی ہوئی تقدیر کی قسمت چمک جائے بنائے مجھ کو سگ اپنا جو کتا غوثِ اعظم کا

Meri phooti hui taqdeer ki qismat chamak jaye Banaaye mujh ko sag apna jo kita Ghaus-e-Azam ka

لحد میں بھی کھلی ہیں اس لیے عشاق کی آنکھیں کہ ہوجائے یہیں شاید نظارہ غوثِ اعظم کا

Lahad mein bhi khuli hain is liye ashaaq ki aankhen Ke ho jaye yehin shayad nazara Ghaus-e-Azam ka

صدائے صور سن کر قبر سے اُٹھتے ہی پوچھوں گا کہ بتلاؤ کدھر ہے آستانہ غوثِ اعظم کا

Sada-e-suur sun kar qabr se uthte hi poochhon ga Ke batlao kidhar hai aastana Ghaus-e-Azam ka

کچھ اِک ہم ہی نہیں ہیں آستانِ پاک کے کتے زمانہ پل رہا ہے کھا کے ٹکڑا غوثِ اعظم کا

Kuch ek hum hi nahi hain aastan-e-paak ke kutte Zamana pal raha hai kha ke tukra Ghaus-e-Aazam ka

نبی نورِ الٰہی اور یہ نورِ مُصطفائی ہیں تو پھر نوری نہ ہو کیونکر گھرانا غوثِ اعظم کا

Nabi noor-e-ilahi aur ye noor-e-mustafai hain To phir noori na ho keyonkar gharana Ghaus-e-Azam ka

نبی کے نور کو گر دیکھنا چاہے انہیں دیکھے سراپا نورِ اَحمد ہے سراپا غوثِ اعظم کا

Nabi ke noor ko agar dekhna chahe inhein dekhe Saraapa noor-e-Ahmad hai saraapa Ghaus-e-Azam ka

رَسُوْلُ اللہ کا دشمن ہے غوثِ پاک کا دشمن رَسُوْلُ اللہ کا پیارا ہے پیارا غوثِ اعظم کا

Rasoolullah ka dushman hai Ghaus-e-Pak ka dushman Rasoolullah ka piara hai piara Ghaus-e-Azam ka

مخالف کیا کرے میرا کہ ہے بے حدکرم مجھ پر خدا کا رَحْمَۃٌ لِّلْعٰلَمِیں کا غوثِ اعظم کا

Mukhalif kya kare mera ke hai be hud karam mujh par Khuda ka rahmat-ul-lil'aalameen ka Ghaus-e-Azam ka

جمیلؔ قادری سو جاں سے ہو قربان مرشد پر بنایا جس نے تجھ جیسے کو بندہ غوثِ اعظم کا

Jameel Qadari so jaan se ho qurbaan murshid par Banaya jis ne tujh jaise ko banda Ghaus-e-Azam ka

Share This Naat

Related Naats

نبیؐ کی شان کے مظہر علی ابنِ ابی طالب

ؓجاں نثاروں کو تیرے مثل بلال حبشی

اے شہنشاہِ مدینہ اَلصَّلٰوۃُ وَالسَّلَام

فیضانِ جعفر صادق! جاری رہے گا