خدائے کون و مکاں سب کا پاسباں تُو ہے
کریم و رازق و خلّاقِ اِنس و جاں تُو ہے
Kudae kaun o makaan sab ka paasbaan tu hai
Kareem o raaziq o khallaaq e insan o jaan tu hai
ہر ایک شے میں ، ہر اک رُوح میں رواں تُو ہے
وہاں خرد کی رسائی نہیں ، جہاں تُو ہے
Har aik shai mein, har aik rooh mein rawaan tu hai
Wahan khird ki rasaai nahi, jahan tu hai
ازل سے خاص حجابوں کے درمیاں تُو ہے
کوئی بتا نہ سکے گا کبھی ، کہاں تُو ہے
Azal se khaas hijaabon ke darmiyan tu hai
Koi bata na sake ga kabhi, kahan tu hai
روش روش تِرے حُسن و جمال سے روشن
چمن میں رنگِ گُل و لالہ سے عیاں تُو ہے
Rosh rosh tere husn o jamaal se roshan
Chaman mein rang e gul o laala se ayaan tu hai
جگہ جگہ تِری موجودگی کی آئنہ دار
ہر ایک سُو تِرے جلوے ، یہاں وہاں تُو ہے
Jagah jagah teri maujoodgi ki aaeena daar
Har aik su tere jalwe, yahan wahan tu hai
زباں زباں پہ ہے دن رات داستاں تیری
نظر سے دُور سہی ، سب کے درمیاں تُو ہے
Zubaan zubaan pe hai din raat dastaan teri
Nazar se door sahi, sab ke darmiyan tu hai
خَفی ہے ذات تِری ، ہے جَلی تِری قدرت
جہاں میں برتر از اندیشہ و گُماں تُو ہے
Khafi hai zaat teri, hai jali teri qadrat
Jahan mein bartar az andesha o gumaan tu hai
عجب ہے تیرے جمال و جلال کا عالَم
ہر ایک موج میں ، ہر برق میں رواں تُو ہے
Ajab hai tere jamaal o jalaal ka aalamm
Har aik mauj mein, har barq mein rawaan tu hai
ہر ایک شے سے جھلکتی ہے تیری زیبائی
عیاں شعور پہ ہے ، آنکھ سے نہاں تُو ہے
Har aik shai se jhalakti hai teri zebaai
Ayaan shaoor pe hai, aankh se nahan tu hai
تِری ادائے کرم کی ہر اک شے مرہون
ہر اک وجود کے پیکر میں ضَو فشاں تُو ہے
Teri adae karam ki har aik shai marhoon
Har aik wajood ke paikar mein zaw fisha tu hai
ہُوا ہے حمد سرا ربِّ دو جہاں کے لئے
نصیؔر ! آج خود اپنے پہ مہرباں تُو ہے
Hua hai hamd sara Rabb e do jahan ke liye
Naseer ! aaj khud apne pe meherbaan tu hai
Share This Naat
Share with friends and family
خدائے کون و مکاں سب کا پاسباں تُو ہے
سید نصیرالدیں نصیر