خِرد کا شکوہ بجا اپنی نارسائی کا
کوئی کنارا ہے یارب تری خدائی کا
Khird ka shikwa baja apni narasai ka
Koi kinara hai yarab teri khudai ka
پڑی ہُوئی ہے ابھی تک مقامِ حَیرت میں
قلق نظر کو بھی ہے اپنی نارسائی کا
Pari hui hai abhi tak maqam-e-hairat mein
Qalaq nazar ko bhi hai apni narasai ka
ہر ایک نے تجھے اپنی نظر سے پہچانا
جُدا جُدا ہے ہر انداز دلربائی کا
Har aik ne tujhe apni nazar se pehchana
Juda juda hai har andaaz dilrubai ka
خیال و وہم و قیاس و گماں سے دُور ہے تو
کسی کو دعوےٰ نہیں تیری آشنائی کا
Khayaal o vehm o qayas o gumaan se door hai tu
Kisi ko dauwe nahi teri aashnai ka
یہ شرق و غرب یہ کون و مکاں یہ ارض و سما
یہ اک حقیر کرشمہ ہے کبریائی کا
Ye sharaq o gharb ye kon o makaan ye arz o sama
Ye aik haqeer karishma hai kibriyai ka
وہ بے حجاب نہیں ہے تو بے نشاں بھی نہیں
مجھے بنایا ہے آئینہ خود نمائی کا
Woh be hijab nahi hai tu be nishaan bhi nahi
Mujhe banaya hai aaina khud numaai ka
نغینات کے پردے اُٹھا کے دیکھ اعظؔم
بہت دراز ہے یہ سِلسلہ خدائی کا
Naghinat ke parde utha ke dekh Azam
Bohat daraz hai ye silsila khudai ka
Share This Naat
Share with friends and family
خِرد کا شکوہ بجا اپنی نارسائی کا
محمد اعظم چشتی