خامۂ افکار کو طرزِ ادا دیتا ہے کون
دل میں احساسات کی شمعیں جلا دیتا ہے کون
Khaama-e-afkaar ko tarz-e-ada deta hai kaun
Dil mein ehsaasaat ki shamain jala deta hai kaun
سینۂ امواج پہ کشتی چلا دیتا ہے کون
خلق کو دریا کے اندر بھی غذا دیتا ہے کون
Seena-e-umwaj pe kashti chala deta hai kaun
Khalaq ko darya ke andar bhi ghiza deta hai kaun
موت کی آغوش میں سب کو سلا دیتا ہے کون
لفظِ ”کُن“ فرما کے مردوں کو جِلا دیتا ہے کون
Maut ki aaghosh mein sab ko sala deta hai kaun
Lafz-e ”KUN“ farma ke mordon ko jila deta hai kaun
غنچہ و گل کو تبّسم کی ادا دیتا ہے کون
لالہ زاروں کو حسین اتنا بنا دیتا ہے کون
Ghuncha o gul ko tabassum ki ada deta hai kaun
Lala zaroon ko haseen itna bana deta hai kaun
سوکھے پیڑوں کو نمو دے کر جلا دیتا ہے کون
سبز پتّوں کو بتا ”رنگِ حنا“ دیتا ہے کون
Sookhe pehron ko numoo de kar jala deta hai kaun
Sabz patton ko bata "rang-e-hina" deta hai kaun
بلبلوں کو چہچہانے کی نوا دیتا ہے کون
پھول کو خاموش رہنے کی ادا دیتا ہے کون
Bulbulon ko chehchaane ki nawa deta hai kaun
Phool ko khamosh rehne ki ada deta hai kaun
درد مندوں کو، مریضوں کی دوا دیتا ہے کون
اور بیماروں کو دنیا میں شفا دیتا ہے کون
Dard mandon ko, mareezon ki dawa deta hai kaun
Aur beemaron ko duniya mein shifa deta hai kaun
کون ہے ماں باپ سے زیادہ شفیق و مہرباں
مجرموں کو اپنی رحمت کا پتہ دیتا ہے کون
Kaun hai maan baap se zyada shafeeq o meharban
Mujrimon ko apni rehmat ka pata deta hai kaun
بے سبب ہی بخش دیتا ہے سبھی جرم و خطا
داغِ عصیاں آبِ رحمت سے مٹا دیتا ہے کون
Be sabab hi bakhsh deta hai sabhi jurm o khata
Daagh-e-isyaan aab-e-rehmat se mita deta hai kaun
کس نے بخشی نور کی خیرات ماہ و نجم کو
شب کو ظلمت دن کو سورج کی ضیا دیتا ہے کون
Kis ne bakshi noor ki khairaat maah o najam ko
Shab ko zulmat din ko sooraj ki ziya deta hai kaun
کون ہے اس کے سوا انساں کی شہ رگ سے قریب
دیکھ قرآں ”نحن اقرب“ کی صدا دیتا ہے کون
Kaun hai is ke siwa insaan ki shah rag se qareeb
Dekh Qur’an ”Nahnu aqrab“ ki sada deta hai kaun
عقل ہے حیران قدرت کا کرشمہ دیکھ کر
ڈوبا سورج وقت پر ہر دن اُگا دیتا ہے کون
Aqal hai hairaan qudrat ka karishma dekh kar
Dooba sooraj waqt par har din uga deta hai kaun
دستِ قدرت میں ہے یہ کس کے نظامِ کائنات
زندہ رہنے کے لیے سب کو غذا دیتا ہے
Dast-e-qudrat mein hai ye kis ke nizaam-e-kainaat
Zinda rehne ke liye sab ko ghiza deta hai kaun
یاس کے دورِ خزاں میں جب کہ جینا ہو کٹھن
گلشنِ امّید ایسے میں کھلا دیتا ہے کون
Ya'as ke daur-e-khizaan mein jab ke jeena ho kathin
Gulshan-e-ummid aise mein khila deta hai kaun
کون ہے جو غیب سے کرتا ہے بندوں کی مدد
روتے انسانوں کو اِک پل میں ہنسا دیتا ہے کون
Kaun hai jo ghaib se karta hai bandon ki madad
Rote insano ko ik pal mein hansa deta hai kaun
رب کی قدرت سے ہی چلتا ہے نظامِ کائنات
اب نہ یہ کہنا مریضوں کو شفا دیتا ہے کون
Rab ki qudrat se hi chalta hai nizaam-e-kainaat
Ab na ye kehna mareezon ko shifa deta hai kaun
علم و حکمت کا خزانہ سب کو دیتا ہے وہی
مانگ احمدؔ اس سے ہی اس کے سوا دیتا ہے کون
Ilm o hikmat ka khazana sab ko deta hai wahi
Maang Ahmedؔ us se hi is ke siwa deta hai kaun
Share This Naat
Share with friends and family
خامۂ افکار کو طرزِ ادا دیتا ہے کون
مولانا طفیل احمد مصباحی