کبھی وہ گُنبدِ خضرٰی مدینے جا کے دیکھیں گے
مرے مولا نے گر چاہا مدینے جا کے دیکھیں گے
Kabhi woh Gunbad-e-Khazrā Madeene ja ke dekhenge
Mere Maula ne gar chaha Madeene ja ke dekhenge
تمنّا ہے مدینے کی ، مُقدّر گر ہوا یاور
خوشی کا وہ حَسیں لمحہ مدینے جا کے دیکھیں گے
Tamanna hai Madeene ki, Muqaddar gar hua yāwar
Khushi ka woh hasin lamha Madeene ja ke dekhenge
جسے دیکھا تصوّر میں ،اُسے پھر سر کی آنکھوں سے
مرے سرکار کا روضہ مدینے جا کے دیکھیں گے
Jise dekha tasavvur mein, use phir sar ki aankhon se
Mere Sarkar ka roza Madeene ja ke dekhenge
جہاں دن رات آتے ہیں ، فرشتے آسمانوں سے
سو آنکھوں سے وہی خطّہ مدینے جا کے دیکھیں گے
Jahan din raat aate hain, farishte aasmanon se
So aankhon se wohi khitta Madeene ja ke dekhenge
فروزاں ہے زمیں پر جو ترے نعلَین کے صدقے
اُسی جنّت کا پھر جلوہ مدینے جا کے دیکھیں گے
Ferozan hai zameen par jo tere nalain ke sadqe
Usi jannat ka phir jalwa Madeene ja ke dekhenge
جہاں کا ایک سجدہ بھی کیا ہو گویا جنّت میں
تو جنّت کا وہی رستہ مدینے جا کے دیکھیں گے
Jahan ka ek sajda bhi kiya ho goya jannat mein
To jannat ka wohi rasta Madeene ja ke dekhenge
دیا اِذنِ حضوری تو مواجہ پر کھڑے ہو کر
سُنہری جالیاں آقا ! مدینے جا کے دیکھیں گے
Diya izn-e-huzoori to muvaja par khade ho kar
Sunehri jailiyan Aqa! Madeene ja ke dekhenge
بڑا ہے دیدنی لوگو ! ادب اہلِ مدینہ کا
سوآنکھوں سے ادب اُن کا مدینے جا کے دیکھیں گے
Bara hai deedni logo! Adab Ahl-e-Madina ka
So aankhon se adab un ka Madeene ja ke dekhenge
جلیل آئیں گے وہ لمحے ، کبھی تو زندگانی میں
کہ منظر پھر مدینے کا مدینے جا کے دیکھیں گے
Jaleel aayenge woh lamhe, kabhi to zindagani mein
Ke manzar phir Madeene ka Madeene ja ke dekhenge
Share This Naat
Share with friends and family
کبھی وہ گُنبدِ خضرٰی مدینے جا کے دیکھیں گے
حافظ عبدالجلیل