کون شیدائیِ مصطفیٰ ہے بالیقیں مصطفیٰؐ کو پتہ ہے
کون بوجہل کا ہم نوا ہے بالیقیں مصطفیٰؐ کو پتہ ہے
Kon shedaai-e-Mustafa hai ballyaqeen Mustafa ﷺ ko pata hai
Kon bujahl ka hum nawa hai ballyaqeen Mustafa ﷺ ko pata hai
منکرِ علمِ غیبِ پیمبر تیرا جھوٹا ہے ہر عشقِ سرور
مکر دل میں جو تیرے چھپا ہے بالیقیں مصطفیٰؐ کو پتہ ہے
Munkir-e-ilm-e-ghaib-e-paighambar tera jhoota hai har ishq-e-sarwar
Makar dil mein jo tere chhupa hai ballyaqeen Mustafa ﷺ ko pata hai
بدر میں کون کس جا مرے گا حشر کس کا کہاں کیسے ہوگا
پہلے ہی شہ نے بتلادیا ہے بالیقیں مصطفیٰؐ کو پتہ ہے
Badr mein kon kis ja marega hashr kis ka kahan kaise hoga
Pehle hi shah ne batla diya hai ballyaqeen Mustafa ﷺ ko pata hai
رہ کے طیبہ میں موتہ کا منظر یوں سنائیں صحابہ کو سرور
جنگ کا جیسے نقشہ کھنچا ہے بالیقیں مصطفیٰؐ کو پتہ ہے
Reh ke Taiba mein Mauta ka manzar yun sanayein sahaba ko sarwar
Jang ka jaise naqsha khincha hai ballyaqeen Mustafa ﷺ ko pata hai
امتحانِ نبیؐ لینے مت جا ورنہ ہوگا تو بوجہل رسوا
تیرے ہاتھوں کی مٹھی میں کیا ہے بالیقیں مصطفیٰؐ کو پتہ ہے
Imtehan-e-Nabi ﷺ lene mat ja warna hoga tu bujahl ruswa
Tere hathon ki muthi mein kya hai ballyaqeen Mustafa ﷺ ko pata hai
غیب داں ان کو اصحاب جانیں غیب کا حال آقاؐ سے پوچھیں
کیوں کہ ان کا یقیں کہہ رہا ہے بالیقیں مصطفیٰؐ کو پتہ ہے
Ghaib dan unko ashaab janein ghaib ka haal aqa ﷺ se puchen
Kyun ke un ka yaqeen keh raha hai ballyaqeen Mustafa ﷺ ko pata hai
واقفِ سِرِ یزداں پیمبر شہرِ علمِ لدنی ہیں سرور
پردۂ غیب میں کیا چھپا ہے بالیقیں مصطفیٰؐ کو پتہ ہے
Waqif-e-sirr-e-Yazdan paighambar shehr-e-ilm-e-laduni hain sarwar
Parda-e-ghaib mein kya chhupa hai ballyaqeen Mustafa ﷺ ko pata hai
علمِ غیب نبیؐ ہے عطایا غیب داں رب نے شہ کو بنایا
عالم الغیب تو بس خدا ہے بالیقیں مصطفیٰؐ کو پتہ ہے
Ilm-e-ghaib Nabi ﷺ hai ataya ghaib dan Rab ne shah ko banaya
Aalim-ul-ghaib to bas Khuda hai ballyaqeen Mustafa ﷺ ko pata hai
حالِ دل شہ کو کیا یہ سنائے ہجرِ طیبہ کا غم کیا بتائے
قلبِ احسؔن کا کیا مدعا ہے بالیقیں مصطفیٰؐ کو پتہ ہے
Hal-e-dil shah ko kya yeh sanaye hijr-e-Taiba ka gham kya bataye
Qalb-e-Ahsan ka kya mudda hai ballyaqeen Mustafa ﷺ ko pata hai
Share This Naat
Share with friends and family
کون شیدائیِ مصطفیٰ ہے بالیقیں مصطفیٰؐ کو پتہ ہے
احسن اعظمی