کاروانِ زندگی پیہم رواں ہے صبح و شام
اِس فنا کے دیس میں حاصل ہُوا کس کو قیا م
Karwan-e-zindagi paiham rawan hai subah o shaam
Iss fanaa ke des mein hasil hua kis ko qayam
پھُول جو کھِلتا ہے وہ اِک دن یہاں مرجھائے گا
یہ سرائے فانی ہَے جو آئے گا وہ جائے گا
Phool jo khilta hai woh ik din yahan murjhaaye ga
Yeh saraye faani hai jo aaye ga woh jaaye ga
اپنی اپنی منزلوں پر ہیں ستارے گامزن !
صبح دم خاموش ہو جاتی ہَے ساری انجمن
Apni apni manzilon par hain sitare gaamzan!
Subah dam khamosh ho jaati hai saari anjuman
رات کے دامن سے آلگتا ہے نورِ آفتاب
شام پہنانے چلی آتی ہے سُورج کو نقاب !
Raat ke daman se aalgta hai noor-e-aftaab
Shaam pehane chali aati hai sooraj ko naqaaib!
جگمگاتی صبح کی تقدیر کالی شام ہَے
زندگی کی دھڑکنوں کا موت ہی انجام ہے
Jagmagati subah ki taqdeer kaali shaam hai
Zindagi ki dhadkanon ka maut hi anjaam hai
لکھنے والے نے لکھا ہستی کی قیمت میں زوال
ہاں مگر باقی رہے گی ذاتِ رَبِّ ذو الجلال
Likhne wale ne likha hasti ki qeemat mein zawal
Haan magar baaqi rahe gi zaat-e-Rabb-e-Zul Jalal
مردِ کامل ہے وہی جو منزلیں طے کر گیا
زندگی اُس کی ہے جو مرنے سے پہلے مر گیا
Mard-e-kaamil hai wahi jo manzilain tay kar gaya
Zindagi us ki hai jo marne se pehle mar gaya
موت کیا ہے حق سے بندے کو ملانے کا سبب
موت سے ڈرتے نہیں جو جاگتے ہیں نیم شب
Maut kya hai haq se bande ko milane ka sabab
Maut se darte nahi jo jaagte hain neem shab
پیر پیغمبر ، ولی ، درویش، مردانِ خُدا
موت کی وادی سے گزرے ہیں بہ تسلیم و رضا
Peer paighambar, wali, darwaish, mardan-e-Khuda
Maut ki waadi se guzre hain ba tasleem o raza
زندگی اور موت ہے اپنی خُدا کے واسطے
مردِ مومن ہے فقط صبرو رضا کے واسطے
Zindagi aur maut hai apni Khuda ke waaste
Mard-e-momin hai faqat sabr o raza ke waaste
سانس کی آری سے کٹ جاتا ہے ہستی کا شجر
زندگی میں موت سے ممکن نہیں ہر گز مفر
Saans ki aari se katt jaata hai hasti ka shajar
Zindagi mein maut se mumkin nahi har giz mafar
حشر برپا ہیں کئی اِک جذبہِ خاموّش میں !
زندگی سوتی ہے آخر موت کی آغوش میں
Hashar barpa hain kai ik jazba-e-khamosh mein!
Zindagi soti hai aakhir maut ki aaghosh mein
روزِ اوّل سے یہی ہے زندگی کا سِلسلہ،
موت کیا ہے زندگی کا آخری اِک مرحلہ !
Roz-e-avval se yahi hai zindagi ka silsila,
Maut kya hai zindagi ka aakhri ik marhala!
برق میں تنکے ہیں واصؔف یا کہ ہے تنکوں میں برق
موت اور ہستی میں کیا سمجھے کوئی انسان فرق
Barq mein tanke hain Wasif ya ke hai tankon mein barq
Maut aur hasti mein kya samjhe koi insaan farq
Share This Naat
Share with friends and family
کاروانِ زندگی پیہم رواں ہے صبح و شام
واصف علی واصف