کرتے ہیں عرض حال زبانِ قلم سے ہم
یوں بھیک مانگتے ہیں امامِ اُمم سے ہم
Karte hain arz-e-haal zabaan-e-qalam se hum
Yun bheek maangte hain Imam-e-umm se hum
دیکھیں ہماری بات کا ملتا ہے کیا جواب
بیٹھے ہیں لو لگائے نگاہِ کرم سے ہم
Dekhein hamari baat ka milta hai kya jawab
Baithe hain lo lagaaye nigah-e-karam se hum
دربارِ مصطفیٰ ﷺ میں ضروری ہے احتیاط
افسانہ کہہ رہے ہیں فقط چشمِ نم سے ہم
Darbar-e-Mustafa ﷺ mein zaroori hai ahteyaat
Afsana keh rahe hain faqat chashm-e-nam se hum
گلدستہ اِک سجانا ہے نعتِ رسول ﷺ کا
کچھ پھول چن لائے ہیں باغِ حرم سے ہم
Guldasta ek sajaana hai naat-e-Rasool ﷺ ka
Kuch phool chun laaye hain baagh-e-haram se hum
روکیں ہماری راہ حوادث کی کیامجال
رکھتے ہیں ربط صاحبِ لوح و قلم سے ہم
Rokein hamari raah hawadis ki kya majaal
Rakhte hain rabt sahab-e-loh o qalam se hum
لے کر چراغ ہاتھ میں عشقِ رسول ﷺ کا
مردانہ وار گزرے ہیں راہِ ظلم سے ہم
Le kar charaagh haath mein ishq-e-Rasool ﷺ ka
Mardana waar guzre hain raah-e-zulm se hum
وہ جن کا نام سیدِ خیر الانام ہے
وابستہ ہیں انہیں کے نقوشِ قدم سے ہم
Woh jin ka naam sayyed-e-khair ul anaam hai
Wabasta hain unhi ke naqosh-e-qadam se hum
اقبؔال ہم کو فکر نہیں روزِ حشر کی
مانوس ہیں مزاجِ شفیعﷺ الامم سے ہم
Iqbal hum ko fikar nahin roz-e-hashr ki
Manoos hain mizaaj-e-Shafi ﷺ al-umm se hum
Share This Naat
Share with friends and family
کرتے ہیں عرض حال زبانِ قلم سے ہم
پروفیسراقبال عظیم