کردے نے رقص تارے سرکار آگئے نے
خُوشیاں مناؤ سارے سرکار آگئے نے
Karde ne raqs tare sarkaar agaye ne
Khushiyan manao sare sarkaar agaye ne
کسدے عمل نے چنگے عاصی نے کیہڑے کیہڑے
ہونے نہ ہن نتارے سرکار آگئے نے
Kisde amal ne change aasi ne kihre kihre
Hone na hun ntare sarkaar agaye ne
ہو جا فدا حلیمہ خوشیاں منا حليمہ
وس پینے نے تیرے ڈھارے سر کار آگئے نے
Ho ja fida Haleema khushiyan mana Haleema
Was pene ne tere dhare sarkaar agaye ne
خوشیاں خُدا نے گھلیاں ٹھنڈیاں ہواواں چلیاں
دس دے نے ایہہ نظارے سرکار آگئے نے
Khushiyan Khuda ne ghiliyan thandiyan hawawan chaliyan
Das de ne eh nazare sarkaar agaye ne
مہکار جنتاں دی انوار کہکشاں دے
رب آمنہ توں وارے سرکار آگئے نے
Mehkaar jantan di anwar kahkashan de
Rabb Aamena ton ware sarkaar agaye ne
جھنڈیاں تے جھنڈے لونے جبریل دی اے سُنت
سج گئے نے سب منارے سرکار آگئے نے
Jhandiyan te jhande lone Jibreel di ae sunnat
Sajj gaye ne sab minare sarkaar agaye ne
سب دی سنی گئی اے صائم کرم ہے سب تے
لہہ گئے نے بھار بھارے سرکار آگئے نے
Sab di suni gayi ae Saem karam hai sab te
Laih gaye ne bhar bhare sarkaar agaye ne
Share This Naat
Share with friends and family
کردے نے رقص تارے سرکار آگئے نے
علامہ صائم چشتی