کربلا، اے سرخرو لوگوں کے سجدوں کی زمیں
قِبلۂ فکر و نظر اے کعبہء اربابِ دیں
مرکزِ انوارِ حق، اے بوسہ گاہِ مرسلیں
تیرے ذرّوں سے دمکتی ہے دو عالم کی جبیں
ضَو، ستاروں میں ہے تیری مانگ بھرنے کے لیے
آسماں جھکتا ہے تجھ کو سجدہ کرنے کے لیے
Karbalā, ae sar rukh loogon ke sajdoon ki zameen
Qiblā-e-fikr o nazar ae kāba-e- arbāb-e-deen
Markaz-e-anwār-e-haq, ae bosa gāh-e-mursalīn
Tere zarron se damakti hai dou ālam ki jabeen
Dzau, sitāron mein hai teri māng bharne ke liye
Āsmān jhukta hai tuj ko sajda karne ke liye
کربلا، اے معجزاتِ ابنِ آدم کی کِتاب
محوِرِ مہر و مہِ انجم، جبینِ انقلاب
ظلمتِ باطل کو تُو ہے عرصۂ یوم الحساب
تیرے ہر ذرّے میں گم ہے کتنی صدیوں کا شباب
تُو نجاتِ ملّتِ بیضا کی وہ تحریر ہے
تیری مٹّی ابنِؑ مریمؑ کے لیے اکسیر ہے
Karbalā, ae mu’jizāt-e-ibn-e-ādum ki kitāb
Mahwār-e-mehr o mah-e-anjum, jabeen-e-inqilāb
Zulmat-e-bātil ko tu hai arsa-e-yaum-ul-hisāb
Tere har zarrē mein gum hai kitni sadiyon ka shabāb
Tu nijāt-e-millat-e-bezā ki woh tehreeṛ hai
Teri mitē ibn-e-maryam ke liye akseer hai
کربلا، اے عظمتِ عرشِ معلّٰے کا حصار
اے زمیں پر آسمانوں کی اکیلی تاجدار
روز و شب کی گردشیں، تیرے بگولوں پر نثار
تیری مِٹّی چُومتا ہے صبر کا پروردگار
تیرہ بختوں کے لیے تو رہگرازِ طور ہے
تُو غرورِ اہرمن کی دسترس سے دُور ہے
Karbalā, ae azmat-e-arsh-e-mu’alla ka hisār
Ae zameen par āsmānon ki akeeli tājdār
Roz o shab ki gardishien, tere bagolon par nisār
Teri mitē chūmta hai sabr ka parvardegār
Teerah bakhton ke liye tu rahguzaar-e-toor hai
Tu ghuroor-e-ahramin ki dastaras se dur hai
کربلا اے نقطۂ تکمیلِ معیارِ حرم
ٹوٹ کر تجھ پر برستا ہے سدا ابرِ کرم
تجھ سے قائم ہے مزاجِ آدمیّت کا بھرم
تیری ویرانی ہے فردوسِ بریں سے محترم
تُو مقدّس ہے بہت اہلِ بصارت کے لیے
انبیاء آتے ہیں روز و شب زیارت کے لیے
Karbalā ae nuqtā-e-takmeel-e-mi’ār-e-haram
Tūt kar tuj par barasta hai sada abr-e-karam
Tujh se qā’im hai mizāj-e-adamiyat ka bharam
Teri veerāni hai firdous-e-bareen se muhtarum
Tu muqaddas hai bohot ahl-e-basārat ke liye
Anbiya āte hain roz o shab ziyārat ke liye
کربلا اے اختتامِ رہگزارِ بندگی
تُو نے زندہ کر دیا پھر سے وقارِ بندگی
اے رگِ باطل پر ضربِ ذوالفقار بندگی
تُو جہاں میں ہے مزاجِ اقتدارِ بندگی
تُو فنا کی دھول میں نقشِ بقا انجام ہے
تُو فرشتوں پر بشر کی فوقیت کا نام ہے
Karbalā ae ikhtitām-e-rahguzaar-e-bandagi
Tu ne zindā kar diyā phir se waqār-e-bandagi
Ae rag-e-bātil par zarb-e-zulfiqār bandagi
Tu jahān mein hai mizāj-e-iqtidār-e-bandagi
Tu fanā ki dhool mein naqsh-e-baqā anjām hai
Tu farishton par bashar ki fouqiyat ka naam hai
کربلا، اے فاتح رسم و رہِ شام و سحر
تُو نے اپنی خاک سے پیدا کیے شمس و قمر
تُو اگلتی ہے سدا حق کے حسیں لعل و گہر
تیرا ہر ذرّہ ہے جبریلِؔ اَمیں کا ہمسفر
جب تری مٹّی شہیدوں کا بچھونا ہو گئی
جوہَری سب مر مٹے تجھ پر، تو ” سونا “ ہو گئی
Karbalā, ae fāteh rasm o rahe shaam o sahar
Tu ne apni khāk se paida kie shams o qamar
Tu uglti hai sada haq ke haseen laal o gohar
Tera har zarrā hai Jibraeel-e-ameen ka humsafar
Jab teri mitē shaheedon ka bichona ho gayi
Johari sab mar mītē tujh par, tu “sona” ho gayi
یاد کر، پہلے تو کیا تھی ؟ اِک زمینِ امتحاں
ہر طرف گرمِ سفر تھیں زلزلوں کی ہچکیاں
خیمہ زن تھے چار سُو وحشی حذر کے کارواں
زندگی کیا، موت کی سانسیں اُکھڑتی تھیں یہاں
کس کے سجدے نے تیرے دل کو مصلّٰے کر دیا
کس نمازی نے تجھے چھُو کر معلّٰے کر دیا
Yād kar, pehlē tu kya thi? ik zameen-e-imtihān
Har taraf garm-e-safar thin zalzalon ki hichkiyan
Khaima zan the chār suu wahshi hazar ke kārwan
Zindagi kya, maut ki saansien ukhardtīn thi yahaan
Kis ke sajdē ne tere dil ko musallā kar diyā
Kis namāzi ne tujhe chū kar mu’alla kar diyā
وہ حسینؑ ابنِ علیؑ، تعبیرِ خوابِ انبیاؑ
صاحبِ ” اِسرارِ کن “ فخرِ دلِ ارض و سما
رونقِ بزمِ یقیں، صدرِ ہجومِ اَولیأ
وہ سخی وہ مسند آرائے سریرِ اِنَّمَا
جس کی برکت سے تُو ارضِ کبریا کہلائے گی
خاک تیری حشر تک ”خاکِ شفا“ کہلائے گی
Woh Hussain ibn-e-Ali, ta’beer-e-khwāb-e-anbiya
Sāhib-e-”isrār-e-kun” fakhr-e-del-e-arzu o samā
Ronak-e-bazm-e-yaqeen, sadr-e-hujum-e-auliya
Woh sakhi woh masnad ārāye sareer-e-inna-ma
Jis ki barkat se tu arz-e-kibriyā kehlāegi
Khāk teri hashr tak “khāk-e-shafā” kehlāegi
کربلا تجھ پر، ترے سارے خزینوں پر سلام
تیرے سینے پر سجے دلکش نگینوں پر سلام
خون کے چھِیٹوں میں تر، اُجلی جبینوں پر سلام
عرش قامت، گلبدن صحرا نشینوں پر سلام
میں کہ دریوزہ گرِ دروازۂ حسنینؑ ہوں
کربؔلا، تیری زیارت کے لیے بے چین ہوں
Karbalā tujh par, tere sāre khazīnon par salām
Tere seene par sajē dil-kash nageenon par salām
Khoon ke Chheeton mein tar, uplī jabeenon par salām
Arsh qāmat, gulbadān sehra nasheenon par salām
Main keh darewaza gar-e-darwāza-e-Hasnain hoon
Karbala, teri ziyārat ke liye bechain hoon
Share This Naat
Share with friends and family
کربلا، اے سرخرو لوگوں کے سجدوں کی زمیں
محسن نقوی