کرم کی نظر تاجدارِ مدینہؐ کرم چاہتے ہیں کرم کے بھکاری
سلامت رہے آپکا آستانہ رہے آپکا فیض جاری وساری
Karam ki nazar tajdar-e-Madinaؐ karam chahte hain karam ke bhikari
Salamat rahe aapka aastana rahe aapka faiz jari o sari
ہے ربطِ دوامی جسے تیرے غم سے ہے وہ آشنا منتہائے کرم سے
وہ سینے میں رکھتا ہے جلوے حرم کے ترے عشق نے جس کی حالت سنواری
Hai rabt-e-dawami jise tere gham se hai woh ashn ar muntahaye karam se
Woh seene mein rakhta hai jalwe haram ke tere ishq ne jis ki halat sanwari
نظر مجھکو بخشی تو ذوقِ نظر دو زیارت سے اپنی سر افراز کردو
مرے دل کی جھولی کو جلووں سے بھر دو کبھی تو ادھر سے بھی گزرے سواری
Nazar mujhko bakhshi to zauq-e-nazar do ziarat se apni sar afraaz kar do
Mere dil ki jholi ko jalwon se bhar do kabhi to idhar se bhi guzre sawari
جہاں ساتھ دیتا نہیں اپنا سایہ وہاں بیقرارِ کرم ان کو پایا،
لیا بڑھکے آغوش میں رحمتوں نے بڑے رنگ پر ہے مری شرمساری
Jahan sath deta nahi apna saya wahan beqarar-e-karam un ko paya,
Liya barhke aghosh mein rehmaton ne bare rang par hai meri sharmsari
یہ طوفان ہم کو ڈرائیں گے کیسے بھنور جال اپنا بچھائیں گے کیسے
چلے ہیں ہم ان کے کرم کے سہارے نہیں ڈوب سکتی یہ کشتی ہماری
Ye toofan hum ko darayenge kaise bhnwr jaal apna bichhayenge kaise
Chale hain hum un ke karam ke sahare nahi doob sakti ye kashti hamari
وہ سجدے اساسِ عمل مانتا ہوں وہ ساعت متاع عمل جانتا ہوں
مرے واسطے حاصلِ زندگی ہے در مصطفؐےٰ پر جو ساعت گزاری
Woh sajde asaas-e-amal manta hoon woh saat meta-e-amal janta hoon
Mere wastay hasil-e-zindagi hai dar Mustafaؐ par jo saat guzari
کسی نے بھی سمجھا نہیں غیر ہم کو جہاں بھی گئے سب نے آنکھیں بچھائیں
محبت کا سر چشمہء جاوداں ہے خدا کی قسم صرف نسبت تمہاری
Kisi ne bhi samjha nahi ghair hum ko jahan bhi gaye sab ne aankhen bichhain
Mohabbat ka sar chashma-e-jawedaan hai Khuda ki qasam sirf nisbat tumhari
عجب پیاس بخشی ہے سیراب کر کے سکوں دے دیا مجھکو بے خواب کر کے
تمہاری محبت میں جب آنکھ برسی دلوں کی ہوئی خوب ہی آبیاری
Ajeeb pyaas bakhshi hai sejaab kar ke sukoon de diya mujhko be khaab karke
Tumhari mohabbat mein jab aankh barasi dilon ki hui khoob hi aabyari
تمہیں ہو تمہیں تاجدارِ دو عالم ہو تم صاحب ِ اقتدار ِ دو عالم
دو عالم میں ہم سرخرو ہی رہیں گے بجے گی دو عالم میں نوبت تمہاری
Tumhi ho tumhi tajdar-e-do alam ho tum sahib-e-iqtidar-e-do alam
Do alam mein hum surkhru hi rahenge baje gi do alam mein nobat tumhari
مرے تجربے کا ہے ایمان اس پر حقیقت میں شاہد ہے قرآن اس پر
تمہیں جب بھی میں نے ہے دل سے پکارا قریب آگیا اور بھی فضلِ باری
Mere tajribe ka hai imaan is par haqeeqat mein shahid hai Quran is par
Tumhein jab bhi maine hai dil se pukara qareeb aagaya aur bhi fazl-e-bari
خبر لے کبھی رہبر ِ راہِ ہستی ہے وجہ ِ کشش آج پستی ہی پستی،
تضا دات نے مار رکھا ہے ہم کو محبت کے دعوے عمل سے ہیں عاری
Khabar le kabhi rahbar-e-rah-e-hasti hai wajah-e-kashish aaj pasti hi pasti,
Tazadaton ne maar rakha hai hum ko mohabbat ke dawe amal se hai ari
تمہارا سہارا ملا مشکلوں میں تمہارا ہی دامن ملا عا صیوں کو ،
خطا کر رہے ہیں عطا ہو رہی ہے نمایاں ہے شانِ کریمی تمہاری
Tumhara sahara mila mushkilon mein tumhara hi daaman mila aasiyon ko,
Khata kar rahe hain ata ho rahi hai namayan hai shaan-e-karimi tumhari
ہیں خالدؔ کی جھولی میں صدقے تمہارے بڑے ٹھاٹھ سے ہورہے ہیں گزارے
دو عالم میں بس اسکے ہیں وارے نیارے جو ہے آپکے آستاں کا بھکاری
Hain Khalidؔ ki jholi mein sadqe tumhare bare thaath se ho rahe hain guzare
Do alam mein bas iske hain ware niyare jo hai aapke astan ka bhikari
۔۔۔۔۔۔
۔۔۔۔۔۔
Share This Naat
Share with friends and family
کرم کی نظر تاجدارِ مدینہؐ
خالد محمود خالد