کبھی ان کی خدمت میں جا کے تو دیکھو
درِ مصطفیٰﷺ کھٹکھٹا کے تو دیکھو
Kabhi un ki khidmat mein ja ke to dekho
Dar-e-Mustafa ﷺ khatkhta ke to dekho
جوابِ صدا تم کو فوراً ملے گا
انہیں صدق دل سے بلا کے تو دیکھو
Jawab-e-sada tum ko foran mile ga
Unhein sidq dil se bula ke to dekho
وہ چاہیں تو لمحوں میں بگڑی بنا دیں
ادب سے انہیں کچھ بتا کے تو دیکھو
Woh chahen to lamhon mein bigri bana den
Adab se unhein kuch bata ke to dekho
دعا خالی لوٹے یہ ممکن نہیں ہے
دعا کے لیے ہاتھ اٹھا کے تو دیکھو
Dua khali lote yeh mumkin nahin hai
Dua ke liye hath utha ke to dekho
وہ ہیں غم نصیبوں کا واحد سہارا
انہیں اپنا دُکھڑا سنا کے تو دیکھو
Woh hain gham naseebon ka wahid sahara
Unhein apna dukhda suna ke to dekho
وہ آنسو کسی کے نہیں دیکھ سکتے
ندامت سے آنسو بہا کے تو دیکھو
Woh aansu kisi ke nahin dekh sakte
Nadamat se aansu baha ke to dekho
چھپا لیں گے کملی میں تم کو وہ اپنی
انہیں فردِ عصیاں دکھا کے تو دیکھو
Chhupa lein ge kamli mein tum ko woh apni
Unhein fard-e-asyan dikha ke to dekho
تڑپ کر لپٹ جاؤ قدموں سے ان کے
میرا مشورہ آزما کے تو دیکھو
Tarap kar lipat jao qadmon se un ke
Mera mashwara aazma ke to dekho
اندھیرا بہت دور بھاگے گا تم سے
چراغِ عقیدت جلا کے تو دیکھو
Andhera bohot door bhage ga tum se
Chirag-e-aqeedat jala ke to dekho
نا معلوم اقباؔل کیا تم کو مل جائے
انہیں نعت اپنی سنا کے تو دیکھو
Na maloom Iqbal kya tum ko mil jaye
Unhein naat apni suna ke to dekho
Share This Naat
Share with friends and family
کبھی ان کی خدمت میں جا کے تو دیکھو
پروفیسراقبال عظیم