کاش دید رسول ہو جائے
التجا ہے قبول ہو جائے
Kaash deed e Rasool ho jaye
Iltija hai qabool ho jaye
بن کے ابر کرم جو چھا جاؤ
سارا آنگن ہی پھول ہو جائے
Ban ke abr e karam jo chha jao
Sara aangan hi phool ho jaye
آئے ہیں وہ غریب خانے میں
کاش یہ رات طول ہو جائے
Aaye hain wo gareeb khaanay mein
Kaash yeh raat tool ho jaye
بھیجنا ہر گھڑی درُود ان پر
زندگی کا اصول ہو جائے
Bhejna har ghari darood un par
Zindagi ka usool ho jaye
بعد مرنے کے میری خاک بدن
شہر بطحا کی دھول ہو جائے
Baad marne ke meri khaak e badan
Shehar e Bat-ha ki dhool ho jaye
چھیڑ دو ذکر تم مدینے کا
جب کبھی دل ملول ہو جائے
Chhed do zikr tum Madine ka
Jab kabhi dil maloal ho jaye
تھام لو بڑھ کے دامن رحمت
گر کبھی تم سے بھول ہو جائے
Thaam lo barh ke daaman e rehmat
Gar kabhi tum se bhool ho jaye
جب بھی غارِ حرا میں تو روئے
آیتوں کا نزول ہو جائے
Jab bhi Ghaar e Hira mein tu roye
Aayaton ka nuzool ho jaye
میں نیازی پڑھوں جو نعت رسول
وصل رب رسول ہو جائے
Main Niazi parhun jo naat e Rasool
Wasl Rab e Rasool ho jaye
Share This Naat
Share with friends and family
کاش دید رسول ہو جائے
عبدالستار نیازی