جز اشک نہیں کچھ بھی اب قابلِ نذرانہ
سرکارؐ بھرم رکھنا رسوا نہ ہو دیوانہ
Jaz ashk nahi kuch bhi ab qabil-e-nazrana
Sarkar ﷺ bharam rakhna ruswa na ho deewana
دل سے غمِ ہستی کا ہر نقش مٹا ڈالا
آباد خدا رکھے تجھ کو غمِ جاناں نہ
Dil se gham-e-hasti ka har naqsh mita dala
Abad Khuda rakhe tujh ko gham-e-janan na
جس دل میں مدینے کے ارمان مچلتے ہیں
سو بار خزاں آئے بنتا نہیں ویرانہ
Jis dil mein Madine ke arman machalte hain
So bar khizan aaye banta nahi werana
چھوٹا ہوا ترکش سے ہر تیر پلٹ آئے
یہ بات اگر چاہے سرکارؐ کا مستانہ
Chhota hua tarkash se har teer palat aaye
Ye baat agar chahe Sarkar ﷺ ka mastana
خود جن کو پلاتے ہیں سرکارؐ تو جہ سے
کرتا ہے طواف انکا خود آن کے میخانہ
Khud jin ko pilate hain Sarkar ﷺ to jeh se
Karta hai tawaf unka khud aan ke mekhana
جلوت میں بدل جائے میری شبِ تنہائی
تم چاہو تو بن جائے جنت مرا ویرانہ
Jalwat mein badal jaye meri shab-e-tanhai
Tum chaho to ban jaye jannat mera werana
سرکارؐ کی نسبت کا یہ خاص کرم دیکھو
کہتی ہے مجھے دنیا سرکار کا دیوانہ
Sarkar ﷺ ki nisbat ka ye khas karam dekho
Kahti hai mujhe duniya Sarkar ka deewana
آجاؤ کہ مستی کی تکمیل یہیں ہوگی
ملتا ہے مدینے میں پیمانے پہ پیمانہ
Aajao ke masti ki takmeel yahin hogi
Milta hai Madine mein paimane pe paimana
جب سر کو جھکاؤں میں طیبہ ہی مقابل ہو
بس اتنا کرم کردے اے چشمِ کریمانہ
Jab sar ko jhukaon mein Taiba hi muqabil ho
Bas itna karam karde ae chashm-e-karimana
سرکارؐ کے قدموں نے کعبے کو شرف بخشا
وہ آئے نہ تھے جب تک کعبہ تھا صنم خانہ
Sarkar ﷺ ke qadamoon ne Ka'be ko sharaf bakhsha
Wo aaye na the jab tak Kaaba tha sanam khana
جس شمعِ حقیقت کا اک نام محمدؐ ہے
اس شمعِ حقیقت کا خالدؔ بھی ہے پر وانہ
Jis sham'-e-haqiqat ka ek naam Muhammad ﷺ hai
Us sham'-e-haqiqat ka Khalid bhi hai parwana
Share This Naat
Share with friends and family
جز اشک نہیں کچھ بھی اب قابلِ نذرانہ
خالد محمود خالد