جو خالقِ گلشن تھے ‘ وہی وقفِ خزاں تھے
دریاؤں کے مالک تھے مگر تشنہ دہاں تھے
Jo khaleq-e-gulshan the ' wohi wqaf-e-khizaan the
Dariyaon ke maalik the magar tashna dahaan the
پا برہنہ ‘ تپتی ہوئی راہوں پہ رواں تھے
وہ لوگ کہ جو راحتِ دل ‘ راحتِ جاں تھے
Pa berahna, tapti hui raahon pe rawaan the
Woh log ke jo raahat-e-dil, raahat-e-jaan the
جو حسن تھے ‘ رحمت تھے ‘ محبت تھے ‘ اماں تھے
آنچ آئی جو سچ پر تو وہی شعلہ بجاں تھے
Jo husn the, rehmat the, mohabbat the, amaan the
Aanch aayi jo sach par to wohi sholah bajaan the
تھا وہ بھی عجب وقت کہ اِک دشت کی جانب
جاتے ہوئے ‘ آتے ہوئے لمحے نگراں تھے
Tha woh bhi ajab waqt ke ik dasht ki janib
Jaate hue, aate hue lamhe nigraan the
حق بات پہ اَڑنے کی حقیقت کے مقابل
باقی جو حقائق تھے وہ سب وہم و گماں تھے
Haq baat pe arne ki haqeeqat ke muqabil
Baqi jo haqaiq the woh sab wahm o gumaan the
جو خون کا قطرہ تھا وہ تاریخ کی لَو تھا
نیزوں پہ جو سر تھے ‘ ابدیت کے نشاں تھے
Jo khoon ka qat'ra tha woh tareekh ki lo tha
Nezajon pe jo sar the, abdiyat ke nishaan the
Share This Naat
Share with friends and family
جو خالقِ گلشن تھے ‘ وہی
احمد ندیم قاسمی