جو اسمِ ذات ہویدا ہوا سرِ قرطاس
ہوا خیال منوّر، مہک گیا احساس
Jo ism-e-zat hida hua sr-e-qirtas
Hua khiyal munawar, mehak gaya ehsaas
اُسی کے فکر میں گم سُم ہے کائناتِ وجود
اُسی کے ذکر کی صورت ہے نغمہ انفاس
Usi ke fikr mein gum sum hai kainat-e-wujood
Usi ke zikr ki soorat hai nagh'ma anfas
اُسی کے اذن سے ہے کاروانِ زیست رواں
اُسی کے حکم پہ غیب و شہود کی ہے اساس
Usi ke izn se hai karwaan-e-zeest rawaan
Usi ke hukum pe ghaib o shahood ki hai asas
اگر ہیں نعمتیں اُس کی شمار سے باہر
تو حکمتیں بھی ہیں اس کی ورائے عقل و قیاس
Agar hain naimtain us ki shumaar se bahar
To hikmatain bhi hain us ki vara-e-aql o qiyas
ہے ارتبا طِ عناصر اُسی کی قدرت سے
اُسی کے لطف سے قائم ہے اعتدالِ حواس
Hai itibaat-e-anasir usi ki qudrat se
Usi ke lutf se qaim hai itidaal-e-hawas
کیے خلا میں معلّق ثوابت وسیّار
بغیرِ چوب کیا خیمہ فلک کو راس
Ki'e khaLaa mein muallaq sawabit o saiyaar
Baghair-e-chob kiya khaima falak ko raas
بسا ہوا وہ رگ وپے میں کائنات کے ہے
کچھ اِس طرح سے گلیوں میں نہاں ہو جیسے باس
Basa hua wo rag o pay mein kainat ke hai
Kuch is tarah se galiyon mein nahan ho jaise baas
ہر ایک مومن و منکر کا ہے وہ رزق رساں
ہر ایک بیکس و درماندہ کا ہے قدرشناس
Har ek momin o munkar ka hai wo rizq rasan
Har ek bekas o darmanda ka hai qadr shanas
بڑھائی اُس نے زن و آدمی کی یوں توقیر
انھیں بنا یا گیا ایک دوسرے کا لباس
Barrahi us ne zan o admi ki yun tauqeer
Inhein banaya gaya ek dosray ka libas
مجھے شریک کرے کاش ایسے بندوں میں
جنھیں نہ خوف و خطر ہے کوئی نہ رنج و ہراس
Mujhe sharik kare kaash aise bandon mein
Jinhain na khauf o khatar hai koi na ranj o hiras
Share This Naat
Share with friends and family
جو اسمِ ذات ہویدا ہوا سرِ قرطاس
حفیظ تائب