جو بھی سرکار کا غلام ہُوا
کُل زمانے کا وہ امام ہُوا
Jo bhi sarkar ka ghulam hu'a
kull zamane ka woh imam hu'a
تیرا آنا ہوا تو دُنیا میں
’’آدمیّت کا احترام ہُوا‘‘
Tera ana hua to duniya main
''Adami'yat ka ehtram hu'a''
نوعِ انسان نے سُکوں پایا
رنج اور غم کا اختتام ہُوا
Nau-e-insan ne sukoon paya
ranj aur gham ka ikhtetam hu'a
دیکھ یثرب بھی ہو گیا طیبہ
جب سے آقا ترا قیام ہُوا
Dekh yathrib bhi ho gaya tayba
Jab se aqa tera qiyam hu'a
والدیں کے لئے، زمانے میں
یوں ادب کا بھی التزام ہُوا
Walidain ke liye, zamane main
Yun adab ka bhi iltizam hu'a
سلسلہ دہر میں نبوت کا
آپ کے نام پر تمام ہُوا
Silsila dahr main nabuwat ka
Aap ke naam par tamam hu'a
سدرۃالمنتہیٰ بھی حیراں ہے
اتنا اُونچا ترا مقام ہُوا
Sidrat-ul-muntaha bhi hayran hai
Itna uncha tera maqam hu'a
جس نے جتنا درودِ پاک پڑھا
شخص اُتنا ہی شاد کام ہُوا
Jis ne jitna darood-e-pak parha
Shakhs utna hi shad kam hu'a
زندگی کا مری ہر اک لمحہ
یا نبی آپ ہی کے نام ہُوا
Zindagi ka meri har ek lamha
Ya nabi aap hi ke naam hu'a
بارشِ نور ہو گئی ہے جلیل
نعتِ احمد کا اہتمام ہُوا
Barish-e-noor ho gayi hai Jaleel
Naat-e-Ahmed ka ehtemam hu'a
Share This Naat
Share with friends and family
جو بھی سرکار کا غلام ہُوا
حافظ عبدالجلیل