جس کدے کسے دی نال تیرے آشنائی ہوگئی
اوہ خدا دا ہوگیا دنیا پرائی ہوگئی
Jis kade kise di naal tere aashnaai ho gayi
Oh khuda da ho gaya duniya parai ho gayi
تیریاں شاناں توں صدقے والیا بطحا دیا
توں خدا دا ہو گیوں تیری خدائی ہوگئی
Teriyaan shanaan ton sadqe waliya Batha dia
Ton khuda da ho giyon teri khudaai ho gayi
دور رہندی اے سدا اوہناں توں رحمت رب دی
جنہاں بدبختاں دی سوہنے تو جدائی ہوگئی
Door rehndi ae sada ohna ton rehmat Rab di
Jenhaan badbakhtan di sohne to judaai ho gayi
میرے روون تے اوہدی رحمت نوں ہس دا ویکھ کے
میریاں عیباں توں صدقے پارسائی ہوگئی
Mere rowan te ohdi rehmat noon has da vekh ke
Meriyan aibaan ton sadqe parsaaee ho gayi
عقل سدرہ تے کھڑی سوچاں ای رہ گئی سوچدی
عشق دی محبوب دے گھر وچ رسائی ہوگئی
Aqal Sidra te khadi sochaan ee reh gayi sochdi
Ishq di mehboob de ghar vich rasai ho gayi
جد وی کیتی میں ظہوریؔ کملی والے دی ثنا
کر لیا اکھیاں وضو دل دی صفائی ہوگئی
Jad vi kiti main Zahooriؔ kamli wale di sana
Kar liya akhiyaan wazu dil di safai ho gayi
Share This Naat
Share with friends and family
جس کدے کسے دی نال تیرے آشنائی ہوگئی
محمد علی ظہوری