جنابِ شیرِخدا کے قدموں میں سروری ہے
اوران کی چاہت مرے مقدر کی روشنی ہے
Janab-e-Sher-e-Khuda ke qadmoñ mein saruri hai
Aur an ki chahat mere muqaddar ki roshni hai
درِ سخا سے علوم سارے ہی بٹ رہے ہیں
ہر اِک فراست یہاں مؤدب کھڑی ہوئی ہے
Dar-e-Sakha se uloom sare hi bat rahe hain
Har ik farasat yahaan mo'addab khadi hui hai
یہ ان کی تلوار پر ازل سے لکھا ہوا ہے
ترے مقابل ہر ایک طاقت کی بے بسی ہے
Ye an ki talwar par azal se likha hua hai
Tere muqabil har ek taqat ki be-basi hai
خدائے واحد نے اپنے پردے ہٹا دئیے ہیں
تمہارے سجدے بتا گئے ہیں یہ بندگی ہے
Khuda-e-Wahid ne apne perde hata diye hain
Tumhare sajde bata gae hain ye bandagi hai
جہاں میں کربل سا ظلم ہوتا کبھی نہ دیکھا
ترے گھرانے کا شیوہ لیکن بہادری ہے
Jahaan mein Karbal sa zulm hota kabhi na dekha
Tere gharane ka shewa lekin bahaduri hai
تمہاری سیرت کے سرورق پر یہی لکھا ہے
کہ حکمِ آقاؐ کے بعد سب کچھ ہی ملتوی ہے
Tumhari seerat ke sarwar aq par yahi likha hai
Ke hukm-e-Aqa ke baad sab kuch hi multawi hai
جو نامِ مولا علیؓ کو سن کر نہ جھوم اُٹھے
یہ اُس کے اندر کی مفلسی ہے یہ تیرگی ہے
Jo naam-e-Mola Ali ko sunkar na jhoom uthe
Ye uske andar ki muflisi hai ye tirgi hai
وہ جب کہیں گے شکیلؔ مانگو بس اتنا کہنا
کہ میری حسرت ترے گدائوں کی نوکری ہے
Wo jab kahenge Shakeel maango bas itna kehna
Ke meri hasrat tere gadaoñ ki naukri hai
Share This Naat
Share with friends and family
جنابِ شیرِخدا کے قدموں میں سروری ہے
محمد شکیل نقشبندی