جمالِ مہرؒ سے دل جگمگانے آئے ہیں
مزارِ پاک پہ ، چادر چڑھانے آئے ہیں
Jamaal-e-mehr se dil jagmagaane aaye hain
Mazar-e-pak pe, chadar charaane aaye hain
نظر نظر میں لیے جلوہء شہِ جیلاں
چراغِ حُسنِ عقیدت ، جلانے آئے ہیں
Nazar nazar mein liye jaluway-e-sheh-e-jeelan
Charagh-e-husn-e-aqeedat, jalaane aaye hain
نگاہِ مہر ہوائے مہرِ آسمانِ سُلوک
غلام آپ کے چادر چڑھانے آئے ہیں
Nigaah-e-mehr hawaaye mehr-e-aasman-e-suluk
Ghulam aap ke chadar charhaane aaye hain
تمہِیں سے چارہ گری کی اُمید ہے ہم کو
جگر کے زخم تمہِیں کو دِکھانے آئے ہیں
Tumhein se charah-gari ki umeed hai hum ko
Jigar ke zakhm tumhein ko dikhaane aaye hain
عطا ہو اِذنِ حُضُوری کہ آج دیوانے
حریمِ ناز کا پردہ اُٹھانے آئے ہیں
Ata ho izn-e-huzoori ke aaj deewane
Hareem-e-naaz ka parda uthaane aaye hain
بہ صد خُلوص و عقیدت ، بہ صد نیاز و ادب
ہم آج اشکِ ندامت بہانے آئے ہیں
Bah sad khuloos o aqeedat, bah sad niyaaz o adab
Hum aaj ashk-e-nadamat bahaane aaye hain
حُضُورِ مہرِؒ علی شاہ آگئے ہم بھی
نثار ہونے کو ، آنکھیں بچھانے آئے ہیں
Huzoor-e-mehr-e-Ali Shah aa gaye hum bhi
Nisaar hone ko, aankhein bichaane aaye hain
جو رُوٹھ جائے پِیا تو کہاں سُکوں دل کو
قریب و دُور سے ہم سب ، منانے آئے ہیں
Jo rooth jaye piya to kahaan sukoon dil ko
Qareeb o door se hum sab, manaane aaye hain
مِلے گا آپ کے دَر سے شعورِ ذات و صفات
پتہ خدا کا یہیں سے لگانے آئے ہیں
Mile ga aap ke dar se sha’oor-e-zaat o sifaat
Pata khuda ka yahin se lagaane aaye hain
نصیؔر ! تم بھی ذرا حالِ دل بیاں کر لو
سب اپنی اپنی حقیقت ، سُنانے آئے ہیں
Naseer! Tum bhi zara haal-e-dil bayan kar lo
Sab apni apni haqiqat, sunaane aaye hain
Share This Naat
Share with friends and family
جمالِ مہرؒ سے دل جگمگانے آئے ہیں
سید نصیرالدیں نصیر