جمال حق رخ روشن کی تاب میں دیکھا
ہزار جلوؤں کا جلوہ نقاب میں دیکھا
Jamaal-e-Haq rukh roshan ki taab mein dekha
Hazaar jalwo'n ka jalwa naqaab mein dekha
ادھر ظہور ہوا اور ادھر ہوئے معدوم
وجود عمر رواں کیا حساب میں دیکھا
Idhar zuhoor hua aur idhar huey maadoom
Wajood-e-umar rawaan kya hisaab mein dekha
ہزاروں طالب دیدار ہیں کھڑے در پر
چھپائے بیٹھے ہیں وہ منہ نقاب میں دیکھا
Hazaaron taalib-e-deedaar hain kharay dar par
Chhupaye baithe hain wo munh naqaab mein dekha
تڑپتا دیکھا جو مجھ کو تو ہنس کر یوں بولے
ہمیشہ اس کو اسی اضطراب میں دیکھا
Tarapta dekha jo mujh ko to hans kar yun bole
Hamesha is ko isi izteraab mein dekha
تمہارے عارض روشن کا جان جان جلوہ
جو ذرے میں ہے وہی آفتاب میں دیکھا
Tumhare aariz roshan ka jaan jaan jalwa
Jo zarrey mein hai wohi aftaab mein dekha
کوئی سرور میں ہے اور کسی کو بیہوشی
مزا یہ ساقی کے دور شراب میں دیکھا
Koi suroor mein hai aur kisi ko beho'shi
Maza ye saqi ke daur-e-shareab mein dekha
اٹھا حجاب تعین تو کھل گئیں آنکھیں
خدا کو مرشد عالی جناب میں دیکھا
Utha hijaab-e-taiyyun to khul gayin aankhen
Khuda ko murshid aali janaab mein dekha
نظر نہ دیر میں آیا نہ یار کعبے میں
چھپا ہوا دل خانہ خراب میں دیکھا
Nazar na deyr mein aaya na yaar kaabe mein
Chhupa hua dil khanah kharaab mein dekha
نہ پوچھو پیری میں کچھ کیفیت جوانی کی
بتاؤں کیا تمہیں جو کچھ شباب میں دیکھا
Na poocho peeri mein kuch kefiyat jawani ki
Bataoon kya tumhein jo kuch shabaab mein dekha
مزا یہ بادہ انگور میں کہاں بیدم
جو تم نے خون جگر کی شراب میں دیکھا
Maza ye baadah-e-angoor mein kahan Bedam
Jo tum ne khoon-e-jigar ki shareab mein dekha
مدد کو قبر میں آئیں گے حضرت وارث
جو مبتلا تجھے بیدم عذاب میں دیکھا
Madad ko qabr mein aayenge Hazrat Waris
Jo mubtala tujhe Bedam azaab mein dekha
Share This Naat
Share with friends and family
جمال حق رخ روشن کی تاب میں دیکھا
بیدم شاہ وارثی