جلوۂ ذات لیے آئی ہے معراج کی رات
رشکِ صد منظرِ سینائی ہے معراج کی رات
Jalwa-e-zaat liye aayi hai meraaj ki raat
Rashk-e-sad manzar-e-seenaai hai meraaj ki raat
آب زمزم سے کہاں غسلِ دلِ جانِ طہور ؟
خود وہ برکت کا تمنائی ہے معراج کی رات
Aab zamzam se kahan ghusl-e-dil-e-jaan-e-taahur?
Khud woh barkat ka tamannaai hai meraaj ki raat
ماجرا طور کا بھی " عبد " کی ہے شان ، مگر
عبدہٗ کی شرف آرائی ہے معراج کی رات
Maajra toor ka bhi "abd" ki hai shaan, magar
Abduhoo ki sharf araai hai meraaj ki raat
بوجھ اعدا کے مطاعن کا زمیں بوس ہوا
یوں دلِ شہ کی پذیرائی ہے معراج کی رات
Bojh a'daa ke mataanein ka zameen boos hua
Yun dil-e-sheh ki pazeerai hai meraaj ki raat
رفرف و برق کے محتاج نہیں نورِ خدا
یہ تو بس مرتبہ افزائی ہے معراج کی رات
Rafraf o barq ke mohtaaj nahin noor-e-khuda
Yeh to bas martaba afzaai hai meraaj ki raat
مطلعِ وصل پہ چمکا ہے مناجات کا چاند
’’مٹ گئی تیرہ شبی چھائی ہے معراج کی رات‘‘
Matla-e-wasl pe chamka hai munajaat ka chaand
"Mita gayi teera shabi chhaai hai meraaj ki raat"
آج جلنے کے نہیں چاند ستاروں کے چراغ
جوش پر طلعتِ آقائی ہے معراج کی رات
Aaj jalne ke nahin chaand sitaarein ke charaagh
Josh par talat-e-aqai hai meraaj ki raat
بخشش عام بہ داماں ، کرم خاص بکف
ناز انداز عجب لائی ہے معراج کی رات
Bakhshish aam b daman, karam khaas bakaf
Naaz andaaz ajab laai hai meraaj ki raat
دست بستہ ہیں ملک بہرِصلاۃ و تسلیم
صفِ غلمان بھی مجرائی ہے معراج کی رات
Dast basta hain malak bahr-e-salaat o tasleem
Saf-e-ghulamaan bhi majrai hai meraaj ki raat
اے معظم ! نہ بِلک ! آج ملے گا سب کچھ
جوش پر رحمتِ مولائی ہے معراج کی رات
Ae moazzam! Na bilak! Aaj mile ga sab kuch
Josh par rehmat-e-molai hai meraaj ki raat
Share This Naat
Share with friends and family
جلوۂ ذات لیے آئی ہے معراج کی رات
معظم سدا معظم مدنی