جہاں میں بن کے ہادی جب شہِ ابرار آئیں گے
نویدِ دینِ حق لے کر مرے سرکار آئیں گے
Jahan mein ban ke haadi jab sheh-e-abrar aain ge
Naveed-e-deen-e-haq le kar mere sarkar aain ge
اندھیرے دور ہو جائیں گے سارے کفر و باطل کے
ضیائے حق لیے جب پیکرِ انوار آئیں گے
Andhere door ho jaain ge saare kufr o batil ke
Ziya-e-haq liye jab paikar-e-anwaar aain ge
حلیمہ بی تری ہو جائے گی معراجِ خوش بختی
تری آغوش میں جب سیدِ ابرار آئیں گے
Haleema bee teri ho jaegi mairaaj-e-khush bakhti
Teri aagosh mein jab syed-e-abrar aain ge
کرے گی شادمانی رقص اہلِ غم کے چہروں پر
مداوا غم زدوں کا بن کے جب غم خوار آئیں گے
Karegi shaadmaani raqs ahl-e-gham ke chehron par
Madawa gham zadon ka ban ke jab gham khawar aain ge
نگاہِ شوق پلکوں پر سجائے گی عقیدت سے
سفر میں جب مدینہ طیّبہ کے خار آئیں گے
Nigaah-e-shauq palkon par sajaegi aqeedat se
Safar mein jab Madinah tayyibah ke khar aain ge
سوا نیزے پہ جب خورشیدِ محشر ہوگا محشر میں
تو رحمت کی گھٹا بن کر مرے سرکار آئیں گے
Sawa naeze pe jab khurshid-e-mahshar hoga mahshar mein
To rehmat ki ghata ban kar mere sarkar aain ge
خوشی سے امتِ عاصی مچل جائے گی محشر میں
شفاعت کے لیے جب احمدِ مختار آئیں گے
Khushi se ummat-e-aasi machal jaegi mahshar mein
Shafaat ke liye jab Ahmad-e-Mukhtar aain ge
بشارت دیتے آئے ہر نبیؐ آدم سے عیسیٰ تک
جہاں کی رہبری کے واسطے سرکار آئیں گے
Basharat dete aaye har nabi Adam se Eisa tak
Jahan ki rehbaree ke wastay sarkar aain ge
بروزِ حشر احسؔن گرمیِ خورشیدِ محشر سے
بچانے عاصیوں کو حشر میں سرکار آئیں گے
Baroz-e-hashr Ehsan garmi-e-khurshid-e-mahshar se
Bachane aasion ko hashhar mein sarkar aain ge
Share This Naat
Share with friends and family
جہاں میں بن کے ہادی جب شہِ ابرار آئیں گے
احسن اعظمی