جدوں بھانبڑ جُدائیاں دے میرے دل وچہ بلے رہندے
زمانے بھر دے غم سارے میرے سر توں ٹلے رہندے
Jadon bhanbR judaiyan de mere dil vich bale rehnday
Zamayne bhar de gham saaray mere sir ton tlle rehnday
جہناں نوں تاہنگ لگ جاندی اے محبوباں دے ملنے دی
قیاماں تے سلاماں دے بہانے اور کھلے رہندے
Jehaan noo tahang lag jandi ae mehbooban de milne di
Qayaman te salaman de bahanay or khle rehnday
سدا سرکار دی سچی حضوری وچہ اوہ رہندے نے
جہناں دے پلک دی ہر نوک توں اتھرو ڈھلے رہندے
Sada Sarkar di sachi huzori vich oh rehnday ne
Jehan de palk di har noke ton athroo dhle rehnday
جو نقش پا میرے محبوب دا اک وار تک لیندے
اوہ پیراں وِچ رُلے رہندے اوہ گھٹے وچ رلے رہندے
Jo naqsh pa mere mehboob da ik vaar tak lienday
Oh peyran vich rule rehnday oh ghatte vich rlle rehnday
جہناں نوں خون دل دا، پانی ہنجواں دا سدا مل دا
خزاں وچہ وی اوہ بُوٹے آس دے پُھلے پھلے رہندے
Jehna noo khoon dil da, pani hanjuan da sada mil da
Khazan vich vi oh boote aas de phullay phlle rehnday
غنیمت نے اوہ سبھے بستیاں دنیا دے تختے تے
جلا کے گھر جہناں وچہ ہین اک دو دل جلے رہندے
Ghanimat ne oh sabhe bastiyan duniya de takhte te
Jala ke ghar jehan vich hain ik do dil jale rehnday
خُدا جانے سکھاندا مچھی نوں پانی کیویں صائم
ندی ہنجواں دی بن کے وی میرے دیدے تلے رہندے
Khuda janay sukhanda machhi noo pani keon Sa'im
Nadi hanjuan di ban ke vi mere deeda tle rehnday
Share This Naat
Share with friends and family
جدوں بھانبڑ جُدائیاں دے میرے دل وچہ بلے رہندے
علامہ صائم چشتی