جبینِ شوق بلاوے کے انتظار میں ہے
مری حضوری ترےؐ دستِ اختیار میں ہے
Jabeen-e-shauq bulave ke intezaar mein hai
Meri huzoori tereؐ dast-e-ikhtiyaar mein hai
کروڑوں چاند ستارے ملا کے ہو نہ سکے
جو رنگ و نور مدینے کے ریگزار میں ہے
Karoron chaand sitare mila ke ho na sake
Jo rang o noor Madine ke reegzaar mein hai
ہمارا جسم ہے ریگِ عجم سے آلودہ
ہماری رُوح مگر آپؐ کے دیار میں ہے
Hamara jism hai reeg-e-ajam se aaloodah
Hamari rooh magar aapؐ ke diyar mein hai
جسے تلاش ہے مدت سے تیریؐ چوکھٹ کی
وہ ایک سجدہ مری چشمِ اشکبار میں ہے
Jise talaash hai muddat se teriؐ chaukhat ki
Woh ek sajda meri chashm-e-ashkbaar mein hai
چھٹے گی گرد کبھی تو مدینہ دیکھیں گے
مرا نصیب ابھی گرد میں، غبار میں ہے
Chhute gi gard kabhi to Madina dekhenge
Mera naseeb abhi gard mein, ghubaar mein hai
یہی خیال تو اشفاقؔ رُوح پرور ہے
سیاہ کار سہی آپؐ کے شمار میں ہے
Yahi khayal to Ashfaqؔ rooh parwar hai
Siyah kar sahi aapؐ ke shumaar mein hai
Share This Naat
Share with friends and family
جبینِ شوق بلاوے کے انتظار میں ہے
اشفاق احمد غوری