جب گنہگاروں کی طیبہ میں رسائی ہو گی
سر پہ رحمت کی گھٹا جھوم کے چھائی ہو گی
Jab gunahgaron ki Taiba mein rasai ho gi
Sar pe rehmat ki ghata jhoom ke chhai ho gi
اس پہ برسیں گے قیامت میں کرم کے بادل
جس گنہ گار نے دی تیری دہائی ہو گی
Is pe barseinge qayamat mein karam ke badal
Jis gunah gar ne di teri dahai ho gi
روز محشر وہی ہوگا میرے آقا کے قریب
محفل صل علیٰ جس نے سجائی ہو گی
Roz e Mahshar wahi ho ga mere aaqa ke qareeb
Mehfil e Sall Allaha Aleh Wasallam jis ne sajai ho gi
چشمہ چشم میں ہلچل سی مچی ہے کیسی
تیری یادوں میں کوئی آنکھ بھر آئی ہوگی
Chashma chashm mein halchal si machi hai kaisi
Teri yaadon mein koi aankh bhar aai ho gi
گرمی حشر کی شدت سے رہے گا محفوظ
جس کو بھی ساقی کوثر نے پلائی ہو گی
Garmi e hashar ki shiddat se rahega mehfooz
Jis ko bhi Saqi e Kausar ne pilai ho gi
عرصہ حشر میں دیکھیں گے نبی کے منکر
وہ جدھر ہونگے ادھر ساری خدائی ہو گی
Arsa e hashar mein dekhenge nabi ke munkir
Wo jidhar honge udhar sari khudai ho gi
دل کے گلشن میں بہار آئی تو محسوس ہوا
ان کی زلفوں کو صبا چوم کے آئی ہو گی
Dil ke gulshan mein bahar aai to mehsoos hua
Un ki zulfon ko saba choom ke aai ho gi
جوش میں آئی تو ہو گی اے نیازی رحمت
تو نے سرکار کی جب نعت سنائی ہو گی
Josh mein aai to ho gi ae Niazi rehmat
Tu ne Sarkar ki jab naat sunai ho gi
Share This Naat
Share with friends and family
جب گنہگاروں کی طیبہ میں رسائی ہو گی
عبدالستار نیازی