جب بھی کوئی پوچھتا ہے اہلِ سنّت کی سند
پیش کر دیتے ہیں ہم تو اعلیٰ حضرت کی سند
Jab bhi koi poochta hai Ahl-e-Sunnat ki sanad
Pesh kar dete hain hum to Aala Hazrat ki sanad
کیوں نہ سمجھیں ہم مسلماں خود کو عالی مرتبت
ہم کو قرآں نے عطا کی خیرِ اُمت کی سند
Kyun na samjhen hum Musalman khud ko aali martabat
Hum ko Qur'an ne ata ki khair-e-Ummat ki sanad
نفسی نفسی حشر میں ہوگا رسولوں کا جواب
مصطفیٰ کے ہاتھ میں ہوگی شفاعت کی سند
Nafsi nafsi hashr mein hoga rasoolon ka jawab
Mustafa ke haath mein hogi shafaat ki sanad
پَل کے پَل میں لا مکاں کی سیر کر کے آگئے
سورۂ والنجم ہے آقا کی رفعت کی سند
Pal ke pal mein la makan ki sair kar ke aagaye
Surah-e-Walnajm hai aaqa ki rifat ki sanad
اتباعِ قول و فعلِ مصطفیٰ ہے با الیقیں
رحمتِ حق اور جنت کی بشارت کی سند
Ittiba-e-qoul o fael-e-Mustafa hai ba yaqeen
Rehmat-e-Haq aur jannat ki basharat ki sanad
نقش کرلو نامِ احمد اپنے دل پر سنّیو
یاں یہی ہے نارِ دوزخ سے حفاظت کی سند
Naqsh karlo naam-e-Ahmed apne dil par Sunniyo
Yaan yahi hai naar-e-dozakh se hifazat ki sanad
خاندانِ مصطفیٰ کا مرتبہ کیا پوچھنا
ہے قرآنِ پاک میں ان کی طہارت کی سند
Khandan-e-Mustafa ka martaba kya poochna
Hai Qur'an-e-Pak mein un ki taharat ki sanad
اس لیے پڑھتے ہیں ہم سنّی کھڑے ہو کر سلام
ہے یہی سرکارِ طیبہ سے محبت کی سند
Is liye padhte hain hum Sunni khade ho kar salaam
Hai yahi Sarkar-e-Tayyiba se mohabbat ki sanad
ہے الف مثلِ قیام حا ہے رکوع سجدہ ہے میم
دالِ احمد ہے مسلماں کی عبادت کی سند
Hai alif misl-e-qayam ha hai rukoo sajda hai meem
Daal-e-Ahmed hai Musalman ki ibadat ki sanad
غوثِ اعظم مظہرِ شانِ نبی جانِ علی
ان کو طیبہ سے ہوئی حاصل نیابت کی سند
Ghous-e-Azam Mazhar-e-shaan-e-Nabi jaan-e-Ali
Un ko Tayyiba se hui hasil niabat ki sanad
ہند میں ہیں سنیوں کے جتنے بھی دار العلوم
سب کے سب ہیں سید العلماء کی محنت کی سند
Hind mein hain Sunniyo ke jitne bhi daarul uloom
Sab ke sab hain Sayyid ul Ulama ki mehnat ki sanad
شیخ نجدی تم کو ہم کس طور سے اپنا کہیں
جاؤ پہلے لاؤ تم سنّی جماعت کی سند
Shaikh Najdi tum ko hum kis taur se apna kahen
Jao pehle lao tum Sunni jamaat ki sanad
جس کا چہرہ کھل اُٹھے احمد رضا کے نام پر
گویا اس کو مل گئی جیتے جی جنت کی سند
Jis ka chehra khul uthay Ahmed Raza ke naam par
Goya us ko mil gayi jeetay jee jannat ki sanad
اس لیے نظمی پڑھا کرتا ہے نعتِ مصطفیٰ
مثلِ حسّاں اس کو بھی مل جائے قربت کی سند
Is liye Nazmi padha karta hai naat-e-Mustafa
Misl-e-Hassan us ko bhi mil jaye qurbat ki sanad
Share This Naat
Share with friends and family
جب بھی کوئی پوچھتا ہے اہلِ سنّت کی سند
سید آل رسول حسنین میاں برکاتی نظمی