امام الانبیاء ختم الرّسل نورِ خدا کہیے
محمّد مصطفیٰ صلّ علیٰ صلّ علیٰ کہیے
Imam ul anbia khatam ur-rsul noor-e Khuda kahiye
Muhammad Mustafa sall ala sall ala kahiye
انہیں شمس الضحیٰ بدر الدجیٰ نور الہدیٰ کہیے
انہیں خیر الوریٰ کہف الوریٰ غوث الوریٰ کہیے
Unhein shams ud duha badr ud duja noor ul huda kahiye
Unhein khair ul wara kahf ul wara ghaus ul wara kahiye
خدائے پاک کا جلوہ حبیبِ حق نما کہیے
انہیں یٰسین، طٰہٰ، شافعِ روزِ جزا کہیے
Khudae pak ka jalwa Habib-e haq numa kahiye
Unhein Yaseen, Taha, Shafi' e roz e jaza kahiye
شہنشاہِ جہاں کہیے، انہیں حاجت روا کہیے
انہیں مختارِ کُل اور مالکِ ہر دوسرا کہیے
Shehenshah e jahan kahiye, unhein haajat rawa kahiye
Unhein mukhtar e kul aur malik e har dosra kahiye
انہیں بزمِ نبوّت کا چراغ پُر ضیا کہیے
انہیں بزمِ رسالت کا امام و مقتدیٰ کہیے
Unhein bazm e nabuwat ka charagh pur zia kahiye
Unhein bazm e risalat ka imam o muqtada kahiye
گلوں کو ہیں ملی رعنائیاں ان کی بدولت ہی
انہیں گلزارِ ہستی کا گلابِ خوشنما کہیے
Gulon ko hain mili ra'naiyaan un ki badolat hi
Unhein gulzar e hasti ka gulab e khushnuma kahiye
وہی محبوب ہیں رب کے وہی مطلوب ہیں سب کے
انہیں جانِ ادا کہیے انہیں جانِ وفا کہیے
Wohi mahboob hain Rab ke wohi matloob hain sab ke
Unhein jaan e ada kahiye unhein jaan e wafa kahiye
وہی تاجِ نبّوت ہیں، وہی شانِ رسالت ہیں
انہیں چرخِ ہدایت کا بھی شمسِ بازغہ کہیے
Wohi taj e nabuwat hain, wohi shan e risalat hain
Unhein charkh e hidayat ka bhi shams e bazagha kahiye
وہ دانائے سبل، ختم الرسل مولائے کُل بھی ہیں
انہیں فخرِ جہاں اور نازشِ ارض و سما کہیے
Wo danaye subul, khatam ur-rsul molaaye kul bhi hain
Unhein fakhr e jahan aur nazish e arz o samaa kahiye
رسائی دیکھیے ان کی مکاں سے لامکاں پہنچے
انہیں معراج کا دولہا، انہیں شاہِ دنیٰ کہیے
Rasaai dekhiye un ki makan se la makan pohnche
Unhein maaraj ka dulha, unhein shah e dena kahiye
حسیں ایسے کہ جن پر حسنِ یوسف رشک کرتا ہے
انہیں حسن و ملاحت کا چمکتا آئینہ کہیے
Haseen aise ke jin par husn e Yousuf rashk karta hai
Unhein husn o malaahat ka chamakta aaeena kahiye
گھٹائے جو رسول پاک کی عظمت کو اے لوگو
اسے بو لہبؔ کا بھائی اسے ”تبّت یدا“ کہیے
Ghataae jo Rasool pak ki azmat ko ae logo
Usey bu lahab ka bhai usey "tabbat yada" kahiye
وہی ہیں مالکِ جنّت وہی ہیں قاسمِ نعمت
وہی ہیں خازنِ رحمت، انہیں دستِ عطا کہیے
Wohi hain malik e jannat wohi hain qasim e naimat
Wohi hain khazan e rehmat, unhein dast e ata kahiye
وہی عابد، وہی زاہد، وہی ساجد، وہی ذاکر
خدا کی بندگی میں ہر گھڑی ان کو فنا کہیے
Wohi abid, wohi zahid, wohi sajid, wohi zakir
Khuda ki bandagi mein har ghari un ko fana kahiye
وہی داعی، وہی ہادی، وہی راشد، وہی مرشد
انہیں حق و صداقت کا نقیب و رہنما کہیے
Wohi daayi, wohi haadi, wohi rashid, wohi murshid
Unhein haq o sadiqat ka naqeeb o rehnuma kahiye
Share This Naat
Share with friends and family
امام الانبیاء ختم الرّسل نورِ خدا کہیے
مولانا طفیل احمد مصباحی