التجا ہے یا نبی یہ آپ کی سرکار میں
ہم کو بھی بلوائیے اپنے سخی دربار میں
Alitja hai ya Nabi ye aap ki sarkar me
Hum ko bhi bulwaiye apne sakhi darbar me
ہم پہ بھی چشم کرم صدقہ نواسوں کا حضور
آپ کے لطف و کرم کی دھوم ہے سنسار میں
Hum pe bhi chashm karam sadqa nawaso ka Huzur
Aap ke lutf o karam ki dhoom hai sansar me
شہر طیبہ میں رکھے ہیں جب سے آقا نے قدم
جھومتے پھرتے ہیں عاشق کوچہ و بازار میں
Shehr e Taiba me rakhe hain jab se aqa ne qadam
Jhoomte phirte hain aashiq koocha o bazar me
جانے کیا جادو بھرا تھا جانے کیا تاثیر تھی
آپ کے لہجے میں آقا آپ کی گفتار میں
Jane kya jadoo bhara tha jane kya taseer thi
Aap ke lehje me aqa aap ki guftaar me
منکر نور نبی تھا اس لیے شیطان ہوا
تھا مواحد وہ مگر مارا گیا انکار میں
Munkir e Noor e Nabi tha is liye shaitan hua
Tha Muwahhid wo magar mara gaya inkaar me
زندگی صدقہ ہے محبوب خدا کے نام کا
زندگی اچھی ہے گر گذرے خیالِ یار میں
Zindagi sadqa hai Mehboob e Khuda ke naam ka
Zindagi acchi hai gar guzre khayal e Yaar me
اس میں آقا کے پسینے کی ہیں خوشبوئیں بسی
ورنہ کیا رکھا ہوا ہے مہکتے گلزار میں
Is me aqa ke paseene ki hain khushbuyein basi
Warna kya rakha hua hai mahakte gulzar me
ہیں وہی راتیں کہ باتیں جن میں ہوں سرکار کی
دن وہی دن ہیں جو گذریں مصطفیٰ کے پیار میں
Hain wahi raaten ke baatein jin me hon Sarkar ki
Din wahi din hain jo guzrein Mustafa ke pyar me
کچھ نیازی کو بھی اپنے عشق کی خیرات دے
ہاتھ پھیلائے ہیں میں نے بھی سخی دربار میں
Kuch Niazi ko bhi apne ishq ki khairat de
Haath phelaye hain main ne bhi sakhi darbar me
Share This Naat
Share with friends and family
التجا ہے یا نبی یہ آپ کی سرکار میں
عبدالستار نیازی