Manqabat
اک اک ولی رہینِ کرم غوثِ پاکؒ کا
اک اک ولی رہینِ کرم غوثِ پاکؒ کا
ہے سب کی گردنوں پہ قدم غوثِ پاکؒ کا
Ak ak wali raheen-e-karam Ghaus-e-Pakؒ ka
Hai sab ki gardano(n) pe qadam Ghaus-e-Pakؒ ka
منکر نکیر کا ہمیں خدشہ ذرا نہیں
پاتے رہے ہیں درس جو ہم غوثِ پاکؒ کا
Munkar Nakeer ka hamein khadsha zara nahi(n)
Paate rahe hain dars jo hum Ghaus-e-Pakؒ ka
اللہ آج دینے پہ آیا ہے مانگ لو
کھُلتا ہے آج بابِ کرم غوثِ پاکؒ کا
Allah aaj dene pe aaya hai maang lo
Khulta hai aaj bab-e-karam Ghaus-e-Pakؒ ka
اُمّت کے حق میں اُن کی سفارش، نجات ہے
کرتے ہیں پاس شاہِؐ اُمم، غوثِ پاکؒ کا
Ummat ke haq mein un ki sifarish, najat hai
Karte hain paas Shah-e-Umamؐ, Ghaus-e-Pakؒ ka
معراج اُس کی رفعتِ کون و مکاں نہیں
ہو گا بُلند اور عَلَم غوثِ پاکؒ کا
Meraaj us ki rifat-e-kaun o makaan nahi(n)
Ho ga buland aur alam Ghaus-e-Pakؒ ka
مجھ کو نہیں ہے نقشِ سلیماں کی آرزو
ہے لوحِ دل پہ نقش قدم غوثِ پاکؒ کا
Mujh ko nahi hai naqsh-e-Sulaiman ki aarzu
Hai loh-e-dil pe naqsh qadam Ghaus-e-Pakؒ ka
ہر مُشرکانہ سوچ کو شرمندگی ہُوئی
توحید پر چلا وہ قلم غوثِ پاکؒ کا
Har mushrikana soch ko sharmindagi hui
Tauheed par chala woh qalam Ghaus-e-Pakؒ ka
موقوف صرف نوعِ بشر پر نہیں یہ بات
بھرتے ہیں اہلِ قُدس بھی دَم غوثِ پاکؒ کا
Mauqoof sirf no-e-bashar par nahi yeh baat
Bharte hain Ahle Quds bhi dam Ghaus-e-Pakؒ ka
کچھ غم نہیں مجھے ، جو زمانہ خلاف ہے
ہے میرے سَر پہ دستِ کرم غوثِ پاکؒ کا
Kuch gham nahi mujhe, jo zamaana khilaf hai
Hai mere sar pe dast-e-karam Ghaus-e-Pakؒ ka
طے ہو نصیؔر جادہء ہستی کا یُوں سفر
پے رَو رہُوں قدم بہ قدم غوثِ پاکؒ کا ۔۔
Tay ho Naseerؔ jadah-e-hasti ka yu(n) safar
Pay raw rahon qadam ba qadam Ghaus-e-Pakؒ ka ..
Share This Naat
Share with friends and family
اک اک ولی رہینِ کرم غوثِ پاکؒ کا
سید نصیرالدیں نصیر