حکمِ خدا بھی دل کی صدا بھی درود ہے
روحانیت کی اصل غذا بھی درود ہے
Hukm-e Khuda bhi dil ki sada bhi darood hai
Roohaniyat ki asal ghiza bhi darood hai
آقاؐ کی چاہتوں کا ہے زینہ درودِ پاک
اور چاہتِ نبیؐ کا صلہ بھی درود ہے
Aaqa ki chahatun ka hai zeena darood-e-pak
Aur chahat-e-Nabi ka sila bhi darood hai
مانا کہ وردِ صلے علیٰ ہے درود پر
ہر نسبتِ نبیؐ کی حیا بھی درود ہے
Mana ke wird-e-sal-e-ala hai darood par
Har nisbat-e-Nabi ki haya bhi darood hai
ہاں ہاں اندھیری قبر کی ہے روشنی درود
محشر میں عافیت کی ردا بھی درود ہے
Haan haan andheri qabr ki hai roshni darood
Mahshar mein aafiyat ki rida bhi darood hai
پڑھنا دعا میں اول و آخر درودِ پاک
حاجت روا خدا کی رضا بھی درود ہے
Parhna dua mein awwal o aakhir darood-e-pak
Hajat rwa Khuda ki raza bhi darood hai
ورثے میں دے رہا ہوں فقط دولتِ درود
اپنے بڑوں سے مجھ کو ملا بھی درود ہے
Warsay mein de raha hoon faqat dolat-e-darood
Apne bado se mujh ko mila bhi darood hai
نورِ شعور بھی ہے یہی وردِ جانفزا
بنجر زمینِ دل کی گھٹا بھی درود ہے
Noor-e-shaoor bhi hai yehi wird-e-jaan afza
Banjar zameen-e-dil ki ghata bhi darood hai
قربِ رسولِؐ پاک کا جو بھی ہے راستہ
اسکا شکیلؔ پہلا سِرا بھی درود ہے
Qurb-e-Rasool-e-pak ka jo bhi hai rasta
Uska Shakeel pehla sira bhi darood hai
Share This Naat
Share with friends and family
حکمِ خدا بھی دل کی صدا بھی درود ہے
محمد شکیل نقشبندی