ہر طرف مولا کی مدحت جو بیاں ہوتی ہے
یہ محمد کی محبت سے رواں ہوتی ہے
Har taraf mola ki madhat jo bayan hoti hai
Yeh Muhammad ki muhabbat se rawan hoti hai
اتنے لجپال زمانے میں علی کے بچے
ہو مودت تو ادا دل سے فغاں ہوتی ہے
Itne Lajpal zamane mein Ali ke bachhe
Ho modat to ada dil se fagan hoti hai
تزکرہ اُن کا لبوں سے جو ادا ہو جائے
روشنی میرے سخن سے بھی عیاں ہوتی ہے
Tazkara unka labon se jo ada ho jaye
Roshni mere sakhan se bhi ayan hoti hai
معجزہ ہوتا ہے ہر وقت مساجد میں بیاں
ہر نگر میں جو محمد کی اذاں ہوتی ہے
Mojza hota hai har waqt masajid mein bayan
Har nagar mein jo Muhammad ki azaan hoti hai
چھان مارو گے جہاں کو نہ ملے گی راحت
رحمتِ حق یہ بنا ان کے کہاں ہوتی ہے
Chhan maro ge jahan ko na mile gi rahat
Rehmat-e-Haq yeh bana un ke kahaan hoti hai
جو بھکاری بھی پڑا رہتا ہے ان کے در پر
برتری نورِ سخن اُس پہ عیاں ہوتی ہے
Jo bhikari bhi para rehta hai un ke dar par
Bartri noor-e-sakhan us pe ayan hoti hai
یہ کرم اُن کا نہیں ہے تو ہے کیا جانِ جہاں
اُن کی مدحت جو مری مونسِ جاں ہوتی ہے
Yeh karam un ka nahi hai to hai kya jan-e-jahan
Un ki madhat jo meri monis-e-jaan hoti hai
مجھ کو حبدار سکھاتے ہیں سخن ور مدحت
اُن کی عزت بھی مرے دل میں نہاں ہوتی ہے
Mujh ko habdar sikhate hain sakhan war madhat
Un ki izzat bhi mere dil mein nahan hoti hai
Share This Naat
Share with friends and family
ہر طرف مولا کی مدحت جو بیاں ہوتی ہے
سید حب دار قائم