ہر دل نوں سکون آوے سرکار دا ناں سُن کے
ٹھنڈ سینے چ پے جاوے سرکار دا ناں سُن کے
har dil noon sukoon aavey sarkaar da naaN sun ke
thand seene ch pe javey sarkaar da naaN sun ke
جد واسطہ پاندا اے سوہنے دا کوئی عاصی
رب رحمتاں فرماوے سرکار دا ناں سُن کے
jad waasta paanda ae sohney da koi aasi
rab rehmatan farmaavey sarkaar da naaN sun ke
کہیا جد سی سفینہؓ نے میں بندہ ہاں مدنی دا
شیر اوتھے ای جُھک جاوے سرکار دا ناں سُن کے
kheya jad si safeena ne meiN banda haN madani da
sher othe ee jhukk javey sarkaar da naaN sun ke
اوہنوں ایں بخیل کہیا سرکارِ دو عالم نے
رحمت ناں جو پہنچاوے سرکار دا ناں سُن کے
ohnon aiN bakheel kheya sarkaar-e-do aalum ne
rehmat naa jo pahaNchaavey sarkaar da naaN sun ke
جد اوندا فرشتہ اے غُصے چ لحد اندر
مجرم تے ناں ہتھ چاوے سرکار دا ناں سُن کے
jad onda ferishta ae ghusse ch lahd andar
mujrm te naa hath chaavey sarkaar da naaN sun ke
جاندی ناں نظر اوہدی چم چم کے انگوٹھے جو
اکھیاں تے سدا لاوے سرکار دا ناں سُن کے
jandi naa nazr ohdi cham cham ke angoothe jo
akhiyan te sada laavey sarkaar da naaN sun ke
کھڑ کلیاں نے جاوندیاں سُن آقا دا ناں صائم
پُھل ہے تے مُسکراوے سرکار دا ناں سُن کے
khad kailanya ne javandian sun aqaa da naaN saa'eem
phul hai te muskraavey sarkaar da naaN sun ke
Share This Naat
Share with friends and family
ہر دل نوں سکون آوے سرکار دا ناں سُن کے
علامہ صائم چشتی