ہیں نُورِ چشمِ سیّدِ ابرار فاطمہؓ
جنت کی آپؓ مالک و مختار فاطمہؓ
hain noor-e chashm-e sayyid-e abrar Fatimahؓ
jannat ki aapؓ malik o makhtar Fatimahؓ
محفل سجائی آپؓ کی دل کے دیار میں
پھیلے ہیں میرے چار سُو انوار فاطمہؓ
mehfil sajai aapؓ ki dil ke diyaar mein
phaile hain mere chaar su anwaar Fatimahؓ
ہیں سب سے بڑھ کے آپؓ ہی اس کائنات میں
اک ربّ کے سب خزانوں کی حقدار فاطمہؓ
hain sab se barh ke aapؓ hi is kainaat mein
ek Rab ke sab khazano ki haqdaar Fatimahؓ
خالق کی بارگاہ میں سجدوں کے واسطے
رہتی تھیں آپؓ رات کو بیدار فاطمہؓ
khaaliq ki baaragah mein sajdon ke waaste
rahti thin aapؓ raat ko bedaar Fatimahؓ
مشکل کی ہر گھڑی میں جو دل سے پکار لے
ہیں آپؓ بے کسوں کی مددگار فاطمہؓ
mushkil ki har ghari mein jo dil se pukaar le
hain aapؓ be kason ki madadgaar Fatimahؓ
حسنؓ و حسینؓ آپؓ کے گلشن کے پھول ہیں
مہکا رہے یہ آپ کا گلزار فاطمہؓ
Hasanؓ o Husainؓ aapؓ ke gulshan ke phool hain
mehaka rahe ye aap ka gulzaar Fatimahؓ
لکھ لوں قصیدہ آپؓ کا اوقات ہی نہیں
کچھ بھی تو ہو سکا نہیں اظہار فاطمہؓ
likh loon qaseeda aapؓ ka auqaat hi nahi
kuch bhi to ho saka nahi izhaar Fatimahؓ
کرتی ہوں جب میں آپؓ کی سیرت پہ گفتگو
ہوتی ہے دل پہ بارشِ انوار فاطمہؓ
karti hoon jab mein aapؓ ki seerat pe guftugu
hoti hai dil pe baarish-e anwaar Fatimahؓ
ہے آرزو یہ ناز کی اک رات خواب میں
ہو جائے آپؓ کا اسے دیدار فاطمہؓ
hai aarzu ye Naz ki ek raat khwab mein
ho jaye aapؓ ka ise deedaar Fatimahؓ
Share This Naat
Share with friends and family
ہیں نُورِ چشمِ سیّدِ ابرار فاطمہؓ
صفیہ ناز