گزری جدھر جدھر سے سواری حضور کی
تھی کیفیت وہیں وہیں کیف و سرور کی
Guzri jidhar jidhar se sawari Huzoor ki
Thi kefiyat wahi wahi kaef o suroor ki
روشن ہیں جو فلک پہ ستاروں کے قمقمے
پھیلی ہوئی ہے روشنی آقا کے نور کی
Roshan hain jo falak pe sitaron ke qamqme
Phaili hui hai roshni aaqa ke noor ki
جلوہ فگن ہیں روضۂ اطہر کی اوٹ میں
لیکن خبر وہ رکھتے ہیں نزدیک و دور کی
Jalwa fagan hain roza e athar ki ot mein
Lekin khabar wo rakhte hain nazdik o door ki
ہے ذکر کیا چھڑا میرے آقا کے نور کا
نورانیت میں ڈھل گئی محفل حضورؐ کی
Hai zikr kya chhuda mere aaqa ke noor ka
Nooraniyat mein dhal gayi mehfil Huzoor ki
رحمت کی بھیک دو گے بس اتنی سی آس پر
ڈالی سجا کے لایا ہوں جرم و قصور کی
Rehmat ki bheek do ge bas itni si aas par
Daali saja ke laya hoon jurm o qasoor ki
اللہ رے یہ عظمت دربار مصطفیٰ
گردن جھکی ہوئی ہے ہر اک با شعور کی
Allah re ye azmat darbar e Mustafa
Gardan jhuki hui hai har ek ba sho'oor ki
جو بھی کسی نے مانگا نیازیؔ حضورؐ سے
حسن طلب کریم نے پوری ضرور کی
Jo bhi kisi ne maanga Niazi Huzoor se
Husn e talab Kareem ne poori zaroor ki
Share This Naat
Share with friends and family
گزری جدھر جدھر سے سواری حضور کی
عبدالستار نیازی