گنہ گارو مچل جاؤ خدا دا یار آیا اے
غماں دے ماریاں ہویاں دا آج غمخوار آیا اے
Gunahgaaro machal jao Khuda da Yaar aaya ae
Ghuma de maariya hoya da aaj Ghamkhoar aaya ae
گنہگاراں تے بدکاراں نوں اپنی نال رحمت دے
گناہاں دے سمندر چوں کرن اوہ پار آیا اے
Gunahgaraan te badkaaran nu apni naal rehmat de
Gunahan de samundar choun karan oh paar aaya ae
یتیماں دے وی ہے آج چہریاں تے آ گئی رونق
غریباں بیکساں دا والی و مختار آیا اے
Yateemaan de vi hai aaj chehriaan te aa gayi ronaq
Ghareebaan bekasaan da waali o mukhtaar aaya ae
کرو گھر گھر دے وچ محفل خدا دے یار دی لوکو
ہے رحمت لیکے دو جگ دی ایہہ آج داوار آیا اے
Karo ghar ghar de vich mehfil Khuda de Yaar di loko
Hai rehmat leke do jag di eh aaj dawaar aaya ae
کرو سجدے شکر دے تے پڑھو صل علی سارے
کے خدا دے لاڈلے محبوب دا دربار آیا اے
Karo sajday shukar de te padho Sal Ali saare
Ke Khuda de laadlay Mehboob da darbar aaya ae
نصیباں اوہدیاں دے نال کہیڑا ریس کر سکدا
مدینے پاک وچ رہ کے جیہڑا دن چار آیا اے
Naseeban ohdiyan de naal kaira rays kar sakda
Madinay pak vich reh ke jehra din chaar aaya ae
جیہدے اخلاق دے نیازی کلام اللہ کرے چرچے
زمانے نوں اوہ ونڈن لئی محبت پیار آیا اے
Jehray ikhlaaq de Niazi Kalama Allah kare charchay
Zamana nu oh wandan layi mohabbat pyaar aaya ae
Share This Naat
Share with friends and family
گنہ گارو مچل جاؤ خدا دا یار آیا اے
عبدالستار نیازی