گماں تھے ایسے کہ آثار تک یقیں کے نہ تھے
حضورؐ آپ نہ ہوتے تو ہم کہیں کے نہ تھے
Gumaan the aise ke asaar tak yaqeen ke na the
Huzoorؐ aap na hote to hum kahin ke na the
زمین خاکِ مدینہ پہ ناز کرتی ہے
نصیب ایسے کسی اور سر زمیں کے نہ تھے
Zameen khaak-e-madinah pe naaz karti hai
Naseeb aise kisi aur sar zameen ke na the
کوئی نبی نہیں میرے نبیؐ کا ہم پایہ
تمام عہد کسی عہد آفریں کے نہ تھے
Koi nabi nahi mere Nabiؐ ka hum paaya
Tamaam ehad kisi ehad aafreen ke na the
کیا ہے آپ ؐ نے ایسے بُتوں کو بھی پامال
جو نیّتوں میں چھُپے تھے جو آستیں کے نہ تھے
Kiya hai aapؐ ne aise buto ko bhi paamaal
Jo niyat-on mein chhupe the jo aasteen ke na the
ملے ہیں آپؐ کے در سے خُدا پرستوں کو
کچھ ایسے سجدے بھی جو بخت میں جبیں کے نہ تھے
Mile hain aapؐ ke dar se Khuda paraston ko
Kuch aise sajde bhi jo bakht mein jabeen ke na the
خدا سے بندے کا رشتہ ہے پیروی اُنؐ کی
جو اس حصار سے نکلے وہ پھر کہیں کے نہ تھے
Khuda se bande ka rishta hai pairawi unؐ ki
Jo is hisaar se nikle wo phir kahin ke na the
حنیفؔ قیصر و کسریٰ کی تمکنت ہے گواہ
غلام ایسے کسی بوریا نشیں کے نہ تھے
Haneefؔ Qaisar o Kasra ki tamakkun hai gawaah
Ghulam aise kisi boreeya nasheen ke na the
Share This Naat
Share with friends and family
گماں تھے ایسے کہ آثار تک یقیں کے نہ تھے
حنیف اسعدی